تغريد فهمي: فنان شهير استهزأ بيا في رمضان.. ومش هشتغل معاه تاني | فيديو
كشفت الفنانة تغريد فهمي موقفا صادما لها تعرضت له من فنان، أثناء تصويرها أحد الأعمال الفنية، بالتزامن مع حلول شهر رمضان الكريم.
وقالت تغريد فهمي خلال حوارها مع القاهرة 24: اتعلمت من كل تجربة مريت بيها خلال العمل وهذه أصعب تجاربي، كنت بصور عمل في نهار رمضان في ستوديو عرفة، وكنا بنلبس علشان هنروح المدينة الصناعية للتصوير، وكنت صايمة وقلت لنجم العمل خلي السواق يوديني بالعربية قالي لا.
وأضافت تغريد: وأنا مقدرش أفطر وكمان أنا مريضة ضغط، وكلمت المساعدة معايا والسواق وقولتلهم نادولي عربية الإنتاج فالسواق بتاعي راح والمساعدة فضلت جمبي فراحوا مرجعوش، وأنا انزعجت وقالولي إن النجم فلان موجود في العربية ومش عاوز ييجي وقاعد في التكييف ومش عاوز يخلي السواق ييجي ياخدك.
وأردفت تغريد فهمي: وأنا كنت شبه بموت وتعبانة جدًا وقولتله مش هشتغل معاك تاني خالص، وأنا عمري في الوسط الفني ما هقلل من كرامتي، الوسط كله معروفين بالقيم والإنسانية بس امتى تلمسي ده لما تشوفيه، الناس فاكرة إن الممثل عايش الحياة بيهزر، لا إحنا بنتعرض لمواقف كثيرة مؤلمة.
أعمال تغريد فهمي
قدمت أكثر من 50 عملًا فنيًا في مجال الدراما والسينما من أبرز أعمالها في الدراما التليفزيونية: مسلسل الدجال، وولي العهد، وحب لا يموت، وحالة عشق، والوسواس، والإخوة أعداء، والبحر والعطشانة، وبيت السلايف، والبيت الكبير، أما عن السينما فشاركت في فيلم عيال حريفة الذي تم تقديمه في إطار كوميدي.
وتعتبر من الفنانين المميزين في تجسيد أدوار الأم، وقد حققت شهرتها الكبيرة من خلال تجسيدها لشخصية الأم في أعمالها الفنية وحصلت عليه نظرًا لما تمتلكه من مهارة في تجسيد الأدوار الأمومة ولمحبتها الكبيرة لهذا الدور.
