مش بيت أبويا.. بشرى ترد على انزعاج بعض الفنانين من عدم دعوتهم لحضور مهرجان الجونة في دوراته السابقة
كشفت الفنانة بشرى، سبب وجود أشخاص ليس لهم علاقة بصناعة الفن في مهرجان الجونة السينمائي، مؤكدة أنها تتفهم سبب غضب بعض الفنانين واستيائهم بسبب عدم دعوتهم لحضور المهرجان في حين وجود أشخاص آخرين ليس لهم علاقة بالفن.
وقالت بشرى في تصريحات إذاعية: حقهم بصراحة المشكلة هو مش بيت أبويا لأن الناس كات بتلومني قبل استقالتي من إدارة المهرجان منذ عامين، لأن جزء من القائمين على المهرجان وهم الرعاة بيكون ليهم جزء من الدعوات كفوائد للفلوس اللي بيدفعوها لدعم المهرجان بالتالي بيكون ليهم دعوات لناس مش من عالم الفن، وده حقهم لأنهم دافعين فلوس في المهرجان.
وأضافت بشرى: لذلك فيه أبعاد تجارية وتسويقية بيخلي أن فيه ناس ليهم أحقية في الوجود أكتر من ناس تانية، ولكن الناس دي مرتبطة بالتمويل اللي بيقام على إيد الرعاة.
بشرى: أولاد حريم كريم محقق إيرادات عالية
كما تحدثت الفنانة بشرى عن فيلمها أولاد حريم كريم، قائلة: الفيلم بالفعل محقق نجاح كبير ومحقق إيرادات كويسة أوي بالنسبة أن في أفلام تانية بتمر مرور الكرام، وللأسف دور العرض مبقتش تجيب إيرادات إلا إذا كان الأفلام لـ أسماء كبرى.
كما علقت بشرى، على غياب الفنانة ياسمين عبد العزيز، والفنان طلعت زكريا عن فيلم أولاد حريم كريم، قائلة: فيلم أولاد حريم كريم من غير طلعت زكريا وياسمين عبد العزيز مغامرة، والمغامرة موجودة في كل حاجة، الصناعة دلوقتي قائمة على المغامرة مش أي أُسس علمية، وأولاد حريم كريم هما الجيل الجديد وده المهم إننا بنقدم وجوه جديدة للسينما.
