الفلوس زي الشيكولاتة والملبس عندنا.. أول تعليق من عروس الشرقية زوجة الخليجي صاحب فيديو النقطة
كشفت مروة عادل، بنت مركز ومدينة أبو كبير في محافظة الشرقية، القصة الكاملة لـ حفل زفافها وإلقاء عريسها الذي كان يرتدي الزي الخليجي النقود عليها أثناء الحفل، والتي أحدثت حالة كبيرة من الجدل عبر وسائل التواصل الاجتماعي، مشيرةً إلى أن ما حدث أمر طبيعي جدًا إلا أن ردود الأفعال جعلت من الأمر تريند على حد وصفها.
عروس الشرقية بعد زفافها: عندهم بيرموا الفلوس على الأطفال في الأفراح عادي
اللي حصل عادي جدًا لكن رد فعل الناس كان مبالغ فيه.. بهذه الكلمات بدأت مروة عادل، عروس الشرقية التي أحدث حفل زفافها على سعودي من أصول مصرية حالة من الجدل عبر صفحات ومواقع التواصل الاجتماعي، حديثها لـ القاهرة 24، مؤكدةً أن ما حدث ونثر عريسها للنقود عليها في أثناء الزفاف أمر عادي جدًا ويحدث هناك في السعودية -البلد الذي يعيش فيه العريس منذ الصغر - قبل أن تضرب المثل بـ الحلوى التي يتم إلقائها في حفلات الزفاف والأفراح المصرية: عندنا بيحدث عادي جدًا إن الناس ترمي شيكولاتة وملبس على الأطفال في الأفراح، وعند عريسي عادي هناك بيعملوا كده، لكن هو مكانش يقصد خالص اللي الناس فسرته.
وتابعت عروس الشرقية حديثها لـ القاهرة 24: الناس فسرت الأمور على هواها وقالوا كلام كتير غلط وغلطوا في أمي، وقالوا إنها كانت بتقول للعريس على فلوس هي كمان، لكن اللي حصل إن اللي عمله كان مفاجأة لينا كلنا وأمي كانت بتعاتبه وبتقول له مينفعش رمي الفلوس كده.
وتطرقت العروس للحديث عن عريسها، مؤكدةً أن عبدالله شاب مصري لكنه ولد وتربى في المملكة العربية السعودية، في إشارة إلى أنه يمتلك رقما قوميا مصريا، وأن عقد القران تم أثناء حفل الزفاف على يد محامي مصري، قبل أن تؤكد أن ارتداء عريسها الزي الخليجي كان تحقيقًا لرغبتها: أنا اللي قولت له يلبس خليجي علشان أنا بحب اللبس دا.
واختتمت مروة حديثها بتوجيه رسالة لكل من تطالوا على حد قولها في التعليقات على مقطع الفيديو الخاص بحفل الزفاف: أنا مش زعلان من المصور ودا شغله إنه يصور وينشر الفيديوهات وجاي علشان كده، أنا زعلانة بس من اللي دخل وعلق تعليقات مؤذية جدًا لأهلي ولوالدتي.. بقول لكل الناس اللي حصل دا حرية شخصية وإحنا محصلش وإننا تطاولنا أو جرحنا مشاعر حد علشان يحصل كل دا.
