الموسيقى غذاء الروح وممتن لحميد الشاعري في مشواري.. أبرز تصريحات حكيم مع هدير أبو زيد
أجرت المذيعة هدير أبو زيد حوارًا مع الفنان الشعبي حكيم، على قناة dmc، على هامش إحيائه حفلًا في مهرجان العلمين، متحدثًا عن العديد من الجوانب في مشواره الفني، مشيرًا إلى أنه يعتبر الموسيقى غذاء الروح.
أبرز تصريحات حكيم
- الموسيقى عذاء للروح وأحسن حاجة إن الواحد يرقص ويتمايل بالوجع بتاعه ده الهدف من الأغاني.
- مهرجان العلمين أهم مهرجان غنيت فيه، وأول مرة أزور العلمين، وفخور باللي اتعمل وشايف حاجات تضارع أي مكان في العالم.
- الخلطة اللي بعملها في الموسيقى هي إني بستفاد من روح العصر عشان أجدد طعم الأغنية الشعبية وأحاول أسعد الناس.
- أنا عملت الأغنية الشعبية بكل أنواع الموسيقى وكنت بدور على أغنية حلاوة روح قبل ما اعملها بـ 12 سنة، وكنت بقول عايز أغني الحالة دي.
- محبتنيش كممثل ومش عايز أعيد التجربة دي.. لأني مدرسة على خشبة المسرح واللون بتاعي ومقدرش أقول إني متواضع في الحتة دي.
- الارتباط بين الموسيقى وخفة الدم والرشاقة على المسحر مطلوب وديمًا بقول لفرقتي أنا وأنت ملك للناس اللي بيسمعونا وبيتفرجوا علينا.
- كوباية الشاي مش بتفارقني في البروفات، وبعمل بروفات على الموسيقى بس قبل كل حفلة لأن لكل حفلة ظروفها.
- عندي جولة حفلات في شهر ديسمبر 4 حفلات في أستراليا، وفي شهر مارس المقبل جولة حفلات في أمريكا وكندا.
- بحب اسمع للفنان محمود الليثي ومصطفى حجاج في الشعبي، والأغنية الشعبية مش بتموت والسوق المصري قادر يطلع مطربين شعبيين كتير.
- بقترح إن كل محافظة يكون فيها مسرح أسوة بالنشاط الرياضي، زي ما في كل محافظة ستاد.
- ممتن لحميد الشاعري لأنه هو اللي قدمني وفايز عزيز وسامح المنياوي، والناس اللي بدأت معاهم معايا لغاية دلوقتي من 35 سنة.
