دنيا سامي: اللي بيقولوا التمثيل سهل ميقدروش يستحملوه يوم واحد.. والناس بتخاف من محمد ممدوح
كشفت الفنانة دنيا سامي تفاصيل شخصيتها في فيلم وش في وش بالتعاون مع محمد ممدوح، بجانب الحديث عن صعوبات التمثيل.
وقالت دنيا سامي لـ القاهرة 24: أجسد دور شيماء في فيلم وش في وش وهي شخصية عندها حاجات غريبة وعقد نفسية، وبتحب محمد ممدوح ونفسها تتجوزه في الفيلم، وأنا سعيدة بالتعاون معاه لأنه بيديني طاقة إيجابية.
وأضافت دنيا سامي: محمد ممدوح دايما بيشجعني في الفيلم لو عملت مشهد حلو وكان داعم لنا كلنا، رغم أن الناس تشوفه في الحقيقة يخافوا منه ولو دخل خناقة محدش هيقف قدامه، وإحنا بنتعب في التصوير واللي بيقول التمثيل سهل ميقدرش يستحمل يكمل يوم واحد.
كما سبق وكشفت دنيا سامي تفاصيل مشاركتها في مسلسل سيب وأنا أسيب، وقالت في لقاء سابق على نجوم إف إم: مكنتش متوقعة نجاح المسلسل من أول حلقتين فقط وكنا متحمسين له جدا والكواليس كانت كلها هزار وفيه كيمياء كبيرة بيننا ودا ظهر للجمهور بعد عرض المسلسل.
وأضافت دنيا سامي: هنا الزاهد دمها خفيف ومتعاونه وهي نجمة المسلسل ورغم كدا كانت بتساعدني وتقولي هعمل إيه في الدور ومن ساعتها وإحنا أصحاب رغم أنها أول مرة نشتغل سوا.
آخر أعمال دنيا سامي
وعلى جانب آخر، تعيش دنيا سامي حالة من النشاط على المستوى الفني، حيث شاركت في العديد من الأعمال الفنية التي حققت نجاحا كبيرا من بينهم مسلسل سيب وأنا أسيب بطولة هنا الزاهد وأحمد السعدني، بجانب فيلم وش في وش مع أمينة خليل وأنوشكا ومحمد ممدوح وغيرهم من الفنانين.
