الملحن مصطفى جاد عن زوجته كارمن سليمان: صوت مصر وعيب تدخلوا معايا في خناقة علشان مش عاجبكم رأيي
كشف الملحن مصطفى جاد رأيه في زوجته الفنانة كارمن سليمان، مؤكدًا أنها تستحق لقب صوت مصر النسائي الأول وبجدارة وعن استحقاق خلال سنين قليلة مقبلة.
وكتب مصطفى جاد عبر صفحته بموقع فيسبوك: تتفقوا أو تختلفوا معايا مش مشكلة.. ده مش بس رأيى ده توقع لمستقبل صوت مصر النسائي الأول بجدارة وعن استحقاق خلال سنين قليلة قوي جاية.
وأضاف مصطفى جاد: أنا مش بس ملحن أنا Music Producer وعندي رؤية ومشروع والموضوع بالنسبالي معطيات ومؤهلات وشغل سنين ونتايج ومسؤولية واحترام للموهبة.. اللي مش شايف ده دلوقتي هيشوفوا بعدين ومش عيب إنك تكون معندكش الرؤية دي بس العيب إنك تدخل في خناقة معايا عشان رأيي مش عاجبك.
آخر أعمال كارمن سليمان
وطرحت كارمن سليمان مؤخرًا أغنية يا جمالك بتوزيع جديد، وذلك بعد النجاح التي حققته النسخة الأولى من الأغنية منذ طرحها على موقع يوتيوب، وشاركتجمهورها مقطع من الأغنية عبر انستجرام، وعلقت قائلة: أغنية يا جمالك بتوزيع جديد موجودة دلوقتي على اليوتيوب وكل المنصات الموسيقية اسمعوها وقولولي رأيكم.
أغنية يا جمالك من ألحان عزيز الشافعي، ومن توزيع نوفو وعيسى وميكس وماستر ماهر صلاح وإخراج داشيو.
وسبق أن كشفت كارمن سليمان في تصريحات تلفزيونية سابقة، أن أغنية يا جمالك هدية خاصة إلى نجلها زين، مشيرة إلى أنها أدركت قيمة الأم بعد إنجابها.
