أرسينك: أبيوسف من أكتر الناس اللي بحترمها بعد خلافنا.. وتجمعني كيميا مع مروان موسى
أعرب مؤدي الراب أرسينك عن سعادته الشديدة للتعاون مع مؤدي الراب مروان موسى في أغنية روك ستار، كما كشف إمكانية التعاون مع أبيوسف بعد الخلافات التي جمعتهما في الفترة الأخيرة.
وقال أرسينك، خلال لقائه مع القاهرة 24: مروان موسى فنان موهوب، بنى آدم محترم، بنفهم بعض، وفي بينا كيميا، وإن شاء الله تجربتي معاه تتكرر التاني، ومش محتاج مساحة أكتر زي ما كانت كلمات أغنيتي مع مروان موسى بتقول، لأني بشتغل الشغل اللي أنا عايزه.
وعن إمكانية تعاونه مع أبيوسف بعد الخلافات التي جمعتهما: بالطبع ممكن أتعاون مع أبيوسف، هو راجل محترم وودود، وذوق، وهو فنان مبدع وموهوب، ومن أكتر الناس اللي بحترمها في الراب، والأندر جراوند والراب كلهم مترابطين وصاعدين على بعض، علشان كده في الخلافات والأزمات بيبقوا إيد واحدة.
أرسينك يكشف رأيه في قرارات نقابة المهن الموسيقية بشأن شعبة الراب
وتحدث أرسينك عن رأيه في قرارات نقابة المهن الموسيقية بشأن شعبة الراب، حيث قال: أنا كفنان شايف إن اللي بعمله مشروع حياتي، طبيعي لما أحس إن في أي خطر هاخد رد فعل دفاعي، لأنه هي الحاجة الوحيدة اللي معايا، وبعلن ده، والطرف التاني عارف ده، ومقدرش بسهولة إني أتخلى عن الحاجة الوحيدة اللي معايا، والحقوق بتاعتي.
