سعد رمضان: عملت مساكنة ولا أٌفضل الزواج من فتاة خاضت التجربة.. وأنا مش قديس
حل الفنان اللبناني سعد رمضان ضيفًا على أحد البرامج التلفزيونية، معبرًا عن رأيه في العديد من الموضوعات ومشواره الفني، مشيرًا إلى أن خاض تجربة المساكنة من قبل.
وقال سعد رمضان خلال اللقاء: فترة من حياتي عملت مساكنة، أوقات بكون مع وأوقات بكون ضد، عملت مساكنة في بداياتي بعد ستار أكاديمي.. بس ده شيء بندم عليه؛ لأنه شرعيا ودينيا غلط.
وأضاف سعد: لا أتمنى ولا أُفضل الزواج من فتاة سبق لها المساكنة، كل إنسان بالحياة يتمنى يكون الشخص الوحيد في حياة أي امرأة.
أما عن رأيه في حرمانية الغناء، تابع سعد رمضان: مش بعتبر اللي بعمله حرام ضمنيًا، كان من سنتين ممكن يكون جوابي مختلف لأن قناعاتي بتتغير، وقولت أدهم النابلسي أكيد حصل معاه حاجة.
وأردف سعد رمضان: أنا مش قديس ومش نبي فيه أخطاء كتير بحياتي ومنها الشرب، كنت بشرب في فترة من حياتي، وديني كمسلم بيحرم الكحوليات، ولكن ده شيء بيني وبين ربنا.
سعد رمضان: مفيش راجل ملاك والخيانة درجات
واستكمل سعد رمضان حديثه، قائلًا: أنا شرقي بطابع حديث، وأنا مع حقوق المرأة بشكل كبير وضد إن مراتي تشتغل بالبيت والمطبخ وميبقاش عندها حاجة، عايزها إنسانة ناجحة وعندها طموح وهواياتها، وأقبل إن يكون لديها أصدقاء رجال، ومفيش راجل ملاك ولكن الخيانة درجات.
