هاني فرحات: رفضت الطيران من أجل الفن
تحدث المايسترو هاني فرحات عن بدايته ودعم والديه له، مشيرًا إلى أنه رفض دخول الطيران حبًا في الفن.
وقال هاني فرحات في ندوة بـ القاهرة 24: أنا شخص مصري بسيط، وأمي الله يرحمها وأبويا كانوا بيعلموني كامنجا وبيانو، ولازم يكون فيه درس موسيقى، ومصر كانت كده زمان وكنا هنخش أي بيت نلاقي فيه بيانو ودي ثقافتنا وأنا من العائلات دي.
هاني فرحات: اتعلمت الموسيقى من وأنا عندي 6 سنين
وأضاف هاني فرحات: اتعلمت من وأنا عندي 6 سنين الموسيقى ودخلت ثانوية عامة وكانت الموسيقى هواية، وكنت بروح الكونسيتوار كل جمعة وبذاكر طول الأسبوع.
وأكمل: الموسيقى بترتقي بالنفس ورفضت أدخل طيران وسبت البيت أسبوع لحد ما أبويا وافق وسافرت موسكو ولندن درست الموسيقى، وعملت ماجستير ودكتوراه رغم إني مكنتش حابب الناس اللي بتاخد الدكتوراه، وكنت شايف الموسيقي الموهوب مينفعش يتعامل كدا وتخليه يكتب رسالة المفروض أنه مبدع مينفعش يقعد على مكتب.
وأردف قائلا: قبل أسبوع من مناقشة الدكتوراه مروحتش لأني مكنتش مقتنع بها وكنت بعملها عشان خاطر أبويا ومكنتش عايز بتقال عليا دكتور إلا لما مفهوم رسائل الدكتوراة دا يتغير.
