اليوم.. محاكمة المتهمة بقتل ابنها في الشرقية
تنظر محكمة جنايات الزقازيق، اليوم الخميس 3 أغسطس 2023، محاكمة المتهمة بقتل ابنها وأكلة بمركز فاقوس التابع لـ محافظة الشرقية، حيث تم تأجيلها في وقت سابق لجلسة اليوم، وذلك لحضور اللجنة الخماسية لحلف اليمين أمام هيئة المحكمة، كما حددت المحكمة يوم 22 أغسطس موعد إرفاق التقرير الطبي النفسي للمتهمة.
محاكمة المتهمة بقتل ابنها في الشرقية
وفي وقت سابق، أحالت النيابة العامة الأم المتهمة إلى محكمة الجنايات لمعاقبتها عما أسند إليها من اتهامات، ونشر القاهرة 24 أجزاء من اعترافات الأم، لكنه يتحفظ على نشر الاعترافات كاملة لما بها من بشاعة وتفاصيل مأساوية.
قاتلة ابنها في الشرقية
واستعمت جهات التحقيق إلى المحامي الخاص سابقا بالمتهمة وأحد شهود العيان في الواقعة
س: ما هي معلوماتك بشأن الواقعة محل التحقيقات؟
ج: اللي حصل إن أنا أعرف المتهمة هناء.م، منذ حوالي عامين بحكم أنها موكلتي وبداية معرفتي بيها لما جاتلي المكتب هي وشقيقها وطلبت مني أرفع قضية خلع على زوجها، وطلبت منى إني أرفع قضية منقولات ونفقة لابنها، وكانت بتتردد عليا كل فترة لأن هي مكانش معاها تليفون محمول عشان تسأل على مسار القضايا اللي رفعاها، وكانت كل لما تجيلى بيكون ابنها معاها، وفي مرة سألتها قولتلها انتي بتجيبي ابنك معاكي كل مرة ليه، قالتلي إنها شغالة في مصنع وبتأخده معاها في كل مكان بتروحه لإنها خايفة إن أبوه ياخده منها وساعتها قالتلي ولو عاوزين ياخدوا كل حاجة بس يسيبولي ابني ومحدش له دعوة بيه ياخدوا كل حاجة.
وأضاف محامي المتهمة سابقا: اللي لاحظته إنها كانت حريصة بشدة على نجلها لأنها كانت بتخاف عليه من أي حد حتى من أصحابه إنهم يضربوه وأما جابت تليفون كانت بتتصل بيا كل شوية عشان تعرف القضايا بتاعتها وصلت لإيه، ومنذ حوالي عام كسبنا قضية الخلع وخدنا حكم بالخلع، ومن ساعتها وهي قالتلي إنها قاعدة لوحدها هي وابنها ومش عاوزة تقعد مع أهلها، ولما سألتها إيه السبب قالتلي إنها مش بترتاح في القعدة مع أهلها، وعرفت بعد كده إنها بتبني في بيت ليها هي وابنها لما جاتلي المكتب وقالتلي إنها عاوزة ترخص البيت قولتلها استني بلاش تبنى لحد لما نمشي في الإجراءات، ولما سألت عرفت إنها هى خارج الحيز العمراني، وعرفتها قالتلي إنها هتبنى بردو علشان تبعد عن أهلها عشان مش بترتاح فى القعدة معاهم، وأول إمبارح يوم الأربعاء حوالي الساعة التاسعة مساءً لاقيت هناء بتتصل بيا مرتين بس أنا مش رديت عليها عشان عارف إنها تسألني على القضايا بتاعتها وإمبارح حوالي الساعة الحادية عشر مساءً عرفت اللي حصل.
س: ما هي علاقتك تحديدًا بالمتهمة؟
ج: هي تبقى موكلتي.
س: ما هي كيفية معرفة المتهمة بك تحديدًا؟
ج: عشان أنا محامي لبعض أولاد أعمامها.
س: منذ متى وقد نشأت تلك العلاقة؟
ج: منذ حوالي سنتين.
س: ما مضمون تلك العلاقة؟
ج: هي كانت موكلاني علشان عاوزة تتخلع من زوجها.
س: كيف نشأت تلك العلاقة تحديدًا؟
ج: هي جاتلي المكتب بتاعي في سوادة وكان معاها أخوها وطلبت مني أن أرفعلها قضية خلع على زوجها.
س: ما الأسباب التي أبدتها لك المتهمة لطلب الخلع من زوجها؟
ج: الخلافات بينهما وبين بعض وأنها مبقتش مستحملة تعيش معاه.
س: ما طبيعة تلك الخلافات تحديدا؟
ج: إنه كان على طول بيضربها ويشتمها.
س: ما تعليلك لذلك؟
ج: معرفش.
