بعد وصفه بالنرجسي.. عمرو مصطفى يرد على رامي جمال: أنت مطرب درجة خامسة ولو ذكرت اسمي تاني هقاضيك
رد الملحن عمرو مصطفى على تصريحات المطرب رامي جمال، ووصفه بالنرجسي خلال لقائه أمس في أحد البرامج التلفزيونية.
وهاجم عمرو مصطفى رامي جمال وأكد أنه سيقاضيه في حال ذكر اسمه مرة أخرى في أي لقاءه إذ كتب في منشور عبر حسابه بموقع فيس بوك: هو أنا أترككم تتعدوا بشكل غير قانوني على ألحاني يعني ولحن تم غنائه في برنامج علي الهواء خدته وعملت منه أغنية وصورتها وفي الآخر طالع تقول عليا نرجسي نحن في زمن يصدق فيه الكاذب ويكذب فيه الأمين.
وأضاف عمرو مصطفى: أقسم بالله لو شفتك في أي مكان أنت وأشكالك لن تجدوا مني غير نظرة احتقار واوعي تجري تسلم عليا زي ما عملت قبل كده علشان ههزأك واوعي تجيب اسمي تاني في مكان علشان هقاضيك أنت وكل اللي شبهك مطربي الدرجة الخامسة، زمن الرويبضة.
رامي جمال ينتقد عمرو مصطفى
وكان المطرب رامي جمال، كشف رأيه في تصريحات عمرو مصطفى بعدما وصف نفسه بأنه هو المبدع والمغني عبارة عن أداة ليرد في لقاء تلفزيوني له أمس قائلًا: لأ طبعًا أعوذ بالله، مفيش حاجة في الدنيا ناجاها متوقف على شخص.
وأضاف: الملحن من غير شاعر شاطر أداة والملحن من غير موزع شاطر أداة، المطرب الشاطر هو الفاترينه اللي من خلالها عرف وقدر يكون شاطر".
واستكمل: في نوع من النرجسية أنا مبحبوش، في فرق بأنك عبقري وواحد من الملحنين العباقرة اللي تاريخه مش هينفع ينكرهم، لكن لسه مين مزعلوش.. مبقاش عنده حد لسة مزعلوش عاب في كل زمايله، وأنت بتعيب في زملائك أنت بتعيب في مهنتك لأن لو زملائك معيوبين يبقى مهنتك معيوبة، فأنا شايف نكبر بعض أحسن".
أضاف رامي جمال: عارف إن عمرو من جواه طيب، لكن اللي بيشوفوا المشاكل ناس عادية فليه نصدر للناس مشاكلنا.. ليه نصدر لهم إننا مش بنحب بعض كل واحد له رزق وكلنا مراكبنا ماشية بفضل ربنا.
