لما بظهر كل المتعصبين بيخدوني من تحت الحزام وأفلام زمان فيها حميمة أكثر.. أبرز تصريحات إيناس الدغيدي
تحدثت المخرجة إيناس الدغيدي عن سر ابتعادها على مواقع التواصل الاجتماعي مؤخرًا، مشيرة إلى أن السوشيال ميديا ممتلئة بـ التعليقات الجارحة.
إيناس الدغيدي: لما بظهر على السوشيال ميديا كل المتعصبين بيخدوني من تحت الحزام
وأكدت إيناس الدغيدي، خلال تصريحات تلفزيونية، أنها ليست من متابعي السوشيال ميديا، ولا تحب المشاركة فيها، موضحة أن مواقع التواصل الاجتماعي تمتلئ بالتعليقات السلبية والجارحة.
وأضافت: السوشيال ميديا فيها ناس فاضية أوي وبيعملوا تعليقات جارحه أوي، والناس بتدخل للاتجاهات المختلفة، وكل المتعصبين أول لما بطلع بيخدوني من تحت الحزام على طول.
وواصلت إيناس الدغيدي حديثها قائلة: مبردش على أي حد في السوشيال ميديا لأن مش فاتحة طريق معاهم، بس لو عملت عمل فني وشخص علق عليه أو ناقد اتكلم عنه.. أكيد هطلع أرد عليه وأقول أسبابي، بس أنا بشوف إن فيه فوضى شوية.
إيناس الدغيدي بشأن تصريحاتها الجريئة: أنا صادقة ومبزعلش
كما علقت المخرجة إيناس الدغيدي على سوء فهم البعض لتصريحاتها الجريئة، مؤكدة أنها صادقة في تصريحاتها، ويتفق معها الكثير من الأشخاص ولكن لا يصرحون بذلك، مضيفة: أنا مبزعلش من اللي بيفهم تصريحاتي بطريقة خطأ، وأنا أكتر واحدة كنت جريئة في أفكار المجتمع العادية اللي إحنا عايشنها.
وأردفت قائلة: أنا دخلت في مناطق محظورة كتيرة، وصرحت بمواقف كتير شايفه أنها في صالح المجتمع مش ضد المجتمع لأن الناس بتبص بنظرة قصيرة أوي.
إيناس الدغيدي على تصريحات مصطفى هريدي: أنا برد على حاجات كبيرة بس
وتحدثت إيناس الدغيدي عن تصريحات مصطفى هريدي، والذي هاجمها فيها بشأن تصريحها عنه بشرب المواد المخدرة، قائلة: أنا مبردش على الحاجات الصغيرة دي، أنا برد على حاجات كبيرة، ومشاكل الشغل بتعدي وبتروح وياما اتخانقنا مع ناس مهمين أكتر بكتير من مصطفى ومحدش اتكلم، بس في ناس بتحب تعمل شهرتها على الكلام.
إيناس الدغيدي: الفنانين حاليًا بيشتغلوا عشان الفلوس.. ومحدش بقى عارف يعمل اسمه غير بفضيحة
وكشفت إيناس الدغيدي اختلاف الوسط الفني حاليًا عن الماضي، قائلة: الوسط الفني اتغير عن الأيام دي كتير، زمان كان فيه حميمة أكثر بينا وطريقة التعامل في الأفلام والحب اللي كان موجوده مكنش مادي، انهاردة المادة لعبت دور كبير والناس كلها بتشتغل عشان الفلوس، ومحدش بقى عارف يعمل اسمه يعني ممكن واحد يعمل اسمه بفضيحة، زمان كنا بنعمل اسمائنا عادي.
