ساندي: جت لي صدمة بعد حذف حساباتي الشخصية على السوشيال ميديا.. والجمهور مكانش عارف يتواصل معي
كشفت الفنانة ساندي تفاصيل ابتعادها عن عالم الفن في الفترة الأخيرة، كما أعربت عن استيائها وحزنها الشديد بسبب حذف حساباتها من مواقع التواصل الاجتماعي.
وقالت الفنانة ساندي، خلال لقائها مع القاهرة 24: ابتعدت عن الفن بسبب حاجات كتير ومنها كورونا، وكل السنين عدت بسرعة وأنا محستش بيها، وأنا تعبت في عمل كتير جدًا، وجه كورونا والعمل ده متشافش، وده سببلي إحباط كبير، بالإضاقة إلى إن حساباتي في مواقع التواصل الاجتماعي اتحذفت، وكنت ببدء من الأول وجديد.
وتابعت الفنانة ساندي: لما اشتغلت على نفسي وشخصيتي، وأصبحت نفسيًا أفضل، كان إحساس حلو، وتحدي لي، وعملت دراسات كتير في علم النفس والطاقة، وده ساعدني إن أبقى متسامحة مع الظروف، وخلاني أعرف أركز وأرجع تاني.
وعن ردة فعلها بعد حذف حساباتها من مواقع التواصل الاجتماعي، قالت الفنانة ساندي: السوشيال ميديا أصبحت حياة الفنان، وأنا لما السوشيال ميديا اتمسحت عملتلي أزمة وبدأت من أول وجديد، والسوشيال ميديا بتأثر بالطبع، والجمهور مكنش عارف يوصلي، جالي إكتئاب حاد وصدمة بسبب حذفها.
ساندي: رفضت أعمال فنية عديدة لخوفي من المخاطرة
وتحدثت الفنانة ساندي عن سبب ابتعادها عن عالم الفن، إذ قالت: فكرة إني أرجع للتمثيل كانت في بالي، ولكن كنت دايمًا برفض الأعمال اللي بتجيلي عشان كنت بحس أنها مخاطرة تانية بعد الغناء، وطول الوقت كان بيجيلي بطولة مطلقة فكنت بحس بمسئولية كبيرة، وأن الفيلم لو وقع يبقى أنا اللي وقعت، ودا هيضرني كمطربة.
