المذيعة أميمة بدري تعلن استعادتها النطق: بعرف أتكلم بفضل الله ودعواتكم ليا
زفت المذيعة أميمة بدري خبرًا سارًا لمتابعيها، حيث كشفت عن تحسن حالتها الصحية، بعد فقدانها للنطق فجأة منذ عدة أيام.
المذيعة أميمة بدري تعلن استعادتها للنطق
وكتبت المذيعة أميمة بدري عبر حسابها الشخصي بـ فيس بوك: شكرًا لله وشكرا ليكم بفضل دعواتكم، الحمدلله أنا بقيت كويسة خلاص، وفاضلي حاجات بسيطة إنما انا بيت تمام الحمدلله، وبعرف أتكلم.
كما وجهت المذيعة أميمة بدري الشكر لأصدقائها ومتابعيها لوقفهم بجانبها بعد فقدانها للنطق قائلة: شكرًا لصديقتي لمياء كانت معايا بالليل وكنا بنتكلم سوا، وبعد فقداني للنطق مكنتش عارفه اروح البيت، وعند فقداني للنطق كنت بعيط بانهيار لاني مكنتش عارفة أتكلم بجد وموضوع حقيقي كان صعب عليا، ومكنتش عارفة أروح أقول لوالدتي إني فقدت النطق، ولمياء قعدت تهديني في فيديو وكانت بتعيط عليا.
وتابعت: شكرًا بجد لكل المكالمات الحلوة اللي في بعضها رديت بس مكنتش عارفه اتكلم، واللي كلمني من الكعبه فيديو وقعد يدعيلي بجد شكرا.
إصابة أميمة بدري بفقدان النطق
ومنذ عدة أيام، ظهرت بدري خلال الفيديو وهي تتحدث بصعوبة: أنا تمام بس ادعولي، أنا مش عارفة أتكلم، وتبيّن على ملامح وجهها البكاء الشديد خلال محاولتها التحدث.
وكتبت عبر حسابها بفيس بوك، أنا محتاجة حد يساعدني أرجوكم أنا فجاة فقدت النطق، مش عارفه أنطق ولا اتكلم وشفتي طبقت زي البكم والصم وصوتي، مش طالع ومش قادرة اخد نفسي، أنا خايفة ومش عارفة أعمل ايه، أنا تعبانة جدًا ومش قادرة أنا مخضوضة من اللي حصلي.
