عم المجني عليه في واقعة قتل وحرق بالشرقية: لما سمعت الميكروفون بينادي جريت لقيت ابن أخويا متفحم
جريمة الشرقية.. يواصل القاهرة 24 متابعة أخبار التحقيقات في القضية التي حملت رقم 9743 لسنة 2023 كلي جنوب الزقازيق، وكشفت التحقيقات أن المتهمة عزة.ع قتلت زوجها ويعمل بائع مشروبات ساخنة، ومُقيم بقرية المجفف بدائرة قسم شرطة ديرب نجم بالشرقية، عمدًا مع سبق الإصرار بأن بيَّتت النية وعقدت العزم على قتله، وأعدت لذلك الغرض عدد ست زجاجات تحوي مادة معجلة للاشتعال جازولين، وما إن اطمأنت إلى استغراقه في النوم حتى سكبت بجانب مضجعه أرضًا المادة المعجلة للاشتعال مشعلة إياها باستخدام قداحة بحوزتها فامتدت اليه النيران وأحرقته وأحدثت ما به من الإصابات الموصوفة بتقرير الصفة التشريحية المرفق والتي أودت بحياته قاصدة من ذلك قتله على النحو المبين بالتحقيقات.
وأمام جهات التحقيق وقف عم المجني عليه ويدعى مصباح عسكر يدلي بـ أقواله قائلا: اللي حصل إن أنا كنت في شغلي سمعت الميكروفون في البلد بينده إن فيه حريقة في بيت محمد أبو زيد فرحت جري علي هناك لقيت الحريقة في بيت أخويا خالد عسكر وطلعت على السلم أشوف فيه إيه لقيت محمد خالد متفحم ومرمي والحيطة بتاعة الأوضة واقعة.
وتابع عم المجني عليه: لقيت الأهالي بيطفوا الحريق وبيرموا كل حاجه من الأوضة من مكان الحيطة في الشارع علشان مفيش حاجه تكون لسه والعة وتولع في البيت كله بس البيت كله كان سليم من جوه ومفيش أي حاجة غير الأوضة دي هي اللي ولعت وأنا معرفش سبب الحريق ده إيه.
