محمد رمضان: أنا مش مطرب ومحمد منير ملك الغنا.. ومعنديش مشاكل مع أي فنان
حل الفنان محمد رمضان ضيفًا على أحد البرامج التلفزيونية في أول أيام عيد الأضحى المبارك، متحدثًا عن العديد من الجوانب في حياته الفنية وحياته الشخصية.
وقال محمد رمضان: عمري ما كان عندي مشكلة مع فنان؛ لإننا كلنا في مهنة واحدة وفي احترام وزمالة، ومش هعتزل الفن، وهرد الجميل لأخويا وهو مدير أعمالي.
محمد رمضان: أنا مش مطرب
واستكمل محمد رمضان حديثه، قائلا: أنا مش مطرب عشان أقيم المطربين لكن محمد منير هو ملك الغناء، ولو كنت فنان زمان هشتغل مع زبيدة ثروت وممكن أشتغل مع نيللي كريم وياسمين صبري ودينا الشربيني وأمينة خليل نفسي أشتغل معاهم.
محمد رمضان: بنتي بتقولي يا كتكوت
وأضاف: كنزي بنتي بتقولي يا كتكوت ومش لايق عليا، بس هي تعمل اللي عايزاه وعلي بيقولي يا بابا عادي وزوجتي بتقول لي محمد، ليه يقولوا لي الأسطورة هو أنا بعذبهم؟.
وأردف محمد رمضان: الطموح زي العمر بيكبر ومن البداية مكنتش أتوقع اللي هكون فيه النهارده، كما أن السيرة الذاتية لـ محمد فوزي وأحمد زكي توقفوا، وطبعًا فكرت وكنا اشتغلنا على الفكرة ولكن توقفوا.
وأردف محمد رمضان: مافيا ممكن يغنيها أي واحد في الدنيا والجمهور بيغنيها بنفسه، فكرة الألقاب بتدل على نوع الأغاني بتاعتي بتدي طاقة للناس تسمعها.
