اتجوزيه أصلع.. ياسمين عز تكشف سبب إعجاب الفتيات في مصر بالمدرب بيب جوارديولا
تحدثت الإعلامية ياسمين عز عن مميزات الرجل الأصلع، والمدرب بيب جوارديولا وسبب إعجاب الفتيات به في مصر.
وتحدثت ياسمين عز عن المدرب بيب جوارديولا في برنامجها كلام الناس عبر شاشة إم بي سي مصر قائلة: أجمد مدرب في العالم أو الرجل الداهية واللي بيزور مصر مع أسرته حاليًا لفت نظري إن له معجبات في مصر بالملايين واستوقفتني حاجة مهمة وهي إيه سر جاذبيته وهو انه أصلع.
تصريحات ياسمين عز عن إعجاب الفتيات بـ جوارديولا
وأضافت ياسمين عز: الرجل الأصلع مفيش رجل أصلع مش جان لأنه بيكون ضد الزمن والشيخوخة لا تجعيدة تحصل ولا شعرة بيضة تلاقي ولا تكشيرة، وهتتجوزيه تلاتين سنة هيفضل عنده 30 سنة أنت هتكبري وشعرك يبيض وهو هيفضل شباب العمر كله، لأن دي جينات وهو بيلمع، مش انفعالي ولا هوائي، حد تقيل في نفسه وما عندوش شعرة ساعة تروح وساعة تيجي، ومعندوش قصة أنا رايح للحلاق ساعتين ويا بختك تكلميه في أي وقت.
وأردفت ياسمين عز: الرجل الأصلع اقتصادي مش هيضيع وقته ولا فلوسه وبيديكي الفلوس دي تصرفيها على شعرك أنتي، وبني آدم مخلص لأبعد الحدود وهيتقال شعره وقع من كتر التفكير فيكي، وأنتي ضامنة إنه هيكون ملكك بس ومش هتقدري تقول إنه عرف ستات بعدد شعر راسه، علشان كده بقولك لك اتجوزيه وخدي مني النصحية.
