394 مترا.. أمين الفتوى: هذه الطريقة الصحيحة للسعي بين الصفا والمروة
قال الشيخ محمد كمال، أمين الفتوى بدار الإفتاء المصرية، إن هناك طريقة صحيحة يجب أن يتبعها حجاج بيت الله الحرام في أثناء السعي بين الصفا والمروة.
أمين الفتوى: هذه الطريقة الصحيحة للسعي بين الصفا والمروة
وأضاف أمين الفتوى بدار الإفتاء المصرية، خلال حلقة برنامج فتاوى الناس، المذاع عبر قناة الناس، اليوم الأحد: مسألة السعي نفسه، كيفية السعي بداية وازاي يتحسب الشوط، ثانيًا طبعا احنا عارفين إن العمرة بتبقى مفتوحة شوية لكن الحج محكوم بساعات؟ والسعي بين الصفا والمروة، هو معناه كده ببساطة اللي هو قطع المسافة، التي بين الصفا والمروة، إن حضرتك تمشي المسافة الموجودة بين جبل الصفا، إلى جبل المروة بعد طواف صحيح، سواء كان الطواف ده، طواف الزيارة أو طواف الإفاضة، طواف الزيارة هو طواف الإفاضة، بس ليه سمي بطواف الزيارة؟ لأن المحرم بعد ما ينتهي من الوقوف بعرفات ويمر بمزدلفة بيصل إلى البيت، بيزور البيت كده بيرجع إلى منى تانية فسمي بطواف الزيارة.
واستكمل: بيتوجه الحاج إلى جبل الصفا ويقف عليه مستقبل الكعبة المشرفة ثم يمشي في هذه المسافة، المسافة تقريبا كده بين الصفا والمروة حوالي 394 مترا، فالإنسان لازم يسير في هذه المسافة.
وأكمل: طبعا احنا دلوقتي الحمد لله رب العالمين السعي أصبح في مكان ويسير والحمد لله بخلاف اللي كان موجود على أيام سيدنا النبي صلى الله عليه وسلم، فهو يبدأ بالصفا وينتهي بالمروة، ده السعي بطريقة مختصرة جدا، أي حد يقدر يعملها، ولازم يقوم بيه لأنه ركن من أركان الحج، ولذلك بنلاقي البعض ممكن حتى يعمله على الكرسي أو كده لكن لازم يتحقق وهنفصل أكتر، طيب هل يجب المشي؟، واحد عنده القدرة إنه هو يمشي فده مستحب وده أفضل هياخد ثواب كبير، ليه لأنه هو كل حركة بيتحركها في توسعة، تضاف إلى رصيد حسناته.
