مبروك يا نيرة حقك رجع.. رسالة قوية من والد نيرة أشرف بعد تنفيذ إعدام محمد عادل
وجه والد نيرة أشرف، رسالة إلى قاتل ابنته محمد عادل، بعد إعدامه، قائلا: حسابك عند ربنا دلوقتى هيحاسبك حساب الملكين، وهبارك لبنتي في قبرها ولما تجيلي في الحلم.
مبروك يا نيرة حقك رجع
وأوضح ولد نيرة أشرف طالبة المنصورة في تصريحات خاصة لـ القاهرة 24: أنا لسة شايف فيديو قتل بنتي نيرة أشرف وانهرت ودعيت على الناس اللي كانت بتساند محمد عادل.. منكم لله ومش مسامح أي حد قال كلمة في حق بنتي، وهشوف فيكم يوم.. والحمد لله ماكملش 24 ساعة وتم تنفيذ حكم الإعدام.
وتابع: أنا هروح لبنتي القبر وأقولها حقك رجع، والحمد لله كل الاتهامات اللي الناس اتهموا بيها بنتي ربنا أخد حقها وربنا ينتقم من أي حد جاب سيرت بينتي، وأسرته هما اللي عملوا كدا علشان يطلعوا ابنهم على حساب سمعة بنتي.
ونفذت الأجهزة المختصة صباح اليوم، حكم الإعدام بحق محمد عادل المدان بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.
وكانت محكمة النقض رفضت يوم الخميس الموافق 9 فبراير، طعن محمد عادل قاتل نيرة أشرف على حكم إعدامه وقررت تأييد حكم الإعدام.
