فريدة فهمي تكشف سبب اعتزالها الرقص: زمان كانت صحتي حلوة
كرم قصر السينما برئاسة الفنان تامر عبد المنعم الفنانة فريدة فهمي، حيث كشفت سبب اعتزالها الرقص بعد مشوار فني حافل.
وقالت فريدة فهمي خلال ندوة تكريمها بقصر السينما إنها تحدثت مع نفسها وقررت اعتزال الرقص بعد مسيرة امتدت لـ 43 عامًا، موضحة: الشباب كانوا بيقعوا على المسرح من كتر الرقص، وأنا كانت صحتي حلوة لكن بعد 43 سنة قلت كفاية.
وتابعت فريدة فهمي: كنت بقول لنفسي أنا هفضل أرقص لحد امتى، المسرح بيسحر، دا ساحر، سني وصل 43 سنة كانوا العيال بيقعوا من كتر الرقص وأنا صحتي كانت حلوة، لكن بعدها قلت لا كفاية كدة، وعرفت إن في جامعة في أمريكا فيها قسم عن علم الشعوب وبيرقصوا ازاي، عملت ماجستير هناك عن محمود رضا.
قصر السينما يكرم فريدة فهمي
من جانبه، حرص الفنان تامر عبد المنعم مدير قصر السينما، على تكريم الفنانة فريدة فهمي، وذلك في ندوة أقيمت مساء اليوم 11 يونيو، وأعربت فريدة فهمي عن سعادتها بتكريمها وتكريم زوجها المخرج علي رضا.
وقالت فريدة فهمي خلال ندوة تكريمها في قصر السينما: مش عايزة أنكد عليكم، لكن دي أول مرة حد يكرم علي رضا ولا مهرجان القاهرة ولا حد حس إن في واحد عمل فيلم غرام في الكرنك، بقاله 60 سنة، دا عمر ولا حد فكر إنه يكرمه ولا حد فكر يعمل زيه.
