شريف رمزي لـ القاهرة 24: صلاح أخويا مازال في غيبوبة.. وكنا بنشوف الحالات دي بالأفلام بس
كشف الفنان شريف رمزي، تطورات الحالة الصحية لشقيقه صلاح رمزي، بعد دخوله في غيبوبة منذ أشهر، وإجراء أكثر من جراحة عاجلة.
وقال شريف رمزي خلال تصريحات خاصة لـ القاهرة 24: صلاح لسه مازال في الغيبوبة، حالته صعبة لكن بنطلب له الدعاء من الناس، ممكن يفوق في أي لحظة، عندنا أمل كبير في ربنا، بندعي له دايما، احنا مرينا بظروف صعبة، والحاجات دي كنا بنشوفها في الأفلام بس، لكن عمر ما حد كان يتخيل ابدا اللي مرينا بيه.
شريف رمزي: حالة شقيقي صلاح مش في إيد الطب
وسبق، وقال الفنان شريف رمزي، إن شقيقه المنتج صلاح رمزي، خضع لـ عمليتين جراحيتين، خلال تصريح خاص لـ القاهرة 24: عمل عمليتين واحدة في الجمجمة والعمود الفقري، والتانية لتفريغ خُراج في المخ، ولكن لسه في غيبوبة لغاية دلوقتي ومفيش أي تغير في درجة الوعي.. ادعوا له.
واختتم شريف رمزي حديثه: بندعي كلنا إنه يقوم بالسلامة ولكن دي حاجة مش في إيد الطب ولا الأدوية ولا العمليات، هي في إيد ربنا، وطبعًا في حاجات بتسوء وحاجات بتتحسن، جسمانيًا بيكمل علاجه ولكن العلاج حاجة ودرجة الوعي حاجة تانية.
