دوللي شاهين: حاولت أخلص من حياتي علشان مبعدش عن التمثيل.. ومحبش بنتي تدخل الوسط الفني
كشفت الفنانة دوللي شاهين عن دخولها في علاقة حب في الوقت الحالي، بجانب حديثها عن رأيها في دخول ابنتها الوسط الفني، مؤكدة أنها لن تمنعها من دخول المجال الفني ولكن العمل به صعب جدا.
وقالت دوللي شاهين في تصريحات تلفزيونية: أنا هدعم بنتي في أي حاجة هي عايزاها وأنا بغير عليها جدًا ولكني ست عقلانية، مقدرش أمنعها من حاجة محدش قدر يمنعني منها يعني بابا وجبروته ده كله مقدرش يمنعني، أنا حاولت أنتحر كذا مرة والموت أهون عندي ولكن محدش يحدد مستقبلي، فمينفعش أجي دلوقتي بعد العمر ده كله أتحكم في مستقبل بنتي.
وأوضحت دوللي شاهين: هي لو عايزة تبقى ممثلة أنا مش همنعها لأن محدش عرف يمنعني، ولكن أنا محبش إنها تدخل الوسط الفني لأنه تعب وشقى وعذاب ومش هيبقى عندها ضهر زي ما أنا معنديش ضهر ومعنديش حد يدعمني، وساعات بقعد من غير شغل علشان الوسط والشلالية، وده اللي بقوله لبنتي.
دوللي شاهين: لسة عندي أمل وبعيش قصة حب
وأضافت دوللي شاهين أنها تعيش قصة حب في الوقت الحالي، موضحة: بعيش دلوقتي قصة حب، والحب حاجة جميلة ولكن اللي يقدر قيمة الحب، إحنا بنسعى طول الوقت للحب الحقيقي ولما بنلاقيه مش بنتعامل معاه صح، وأنا بؤمن بالحب الزيادة وأن الحب أهم من أي حاجة في الدنيا، ولغاية دلوقتي مقتنعة أن لسة في أمل في الحب.
كما علقت دوللي شاهين على مصطلح السينما النظيفة، قائلة: مفيش حاجة اسمها سينما نظيفة، مفيش أنضف من سعاد حسني وهند رستم ومش هييجي أشطر منهم، وياريت كنت اتولدت في الزمن الجميل ده.
