شريف مدكور: رضوى الشربيني عملت مدرسة في شكل برامج المرأة.. واللي يقلدها ماسخ
أعرب الإعلامي شريف مدكور عن إعجابه بما تقدمه الإعلامية رضوى الشربيني في برنامجها هي وبس، مؤكدًا أنها صاحبة دور كبير في إعلاء حقوق وكرامة المرأة.
وقال شريف مدكور خلال مداخلة هاتفية لبرنامج هي وبس، الذي تقدمه الإعلامية رضوى الشربيني على شاشة قناة CBC سفرة: رضوى الشربيني عملت مدرسة في شكل برامج المرأة، في ناس تنتقدك أو ضدك بس ليكي الحتة بتاعتك اللي صعب حد يخترقها أو يقلدها.. ولو حد قلدك يبقى ماسخ.
شريف مدكور: مش هتجوز نهائي
وفي وقت سابق، صرح شريف مدكور، بأنه لن يتزوج للأبد، وأنه لن يكون على قدر هذه المسؤولية، إذ قال في تصريحات لـ القاهرة 24: ربنا قال من استطاع منكم الباءة فليتزوج ومش كل الناس عندها قدرة تتجوز، أنا واحد عايش بحريتي ومش عاوز التزم بزوجة وأطفال وربنا ما فرضش الجواز على حد.
شريف مدكور: رفضت أعمل إعلان لمركز طبي لأن صحة الناس مش سلعة
كما أكد الإعلامي شريف مدكور، أنه رفض تصوير إعلان عن سنتر طبي مقابل مبلغ مالي، موضحا أنه لا يريد استغلال الجمهور، وقال خلال برنامجه 4 شارع شريف: من يومين كلموني ناس قالوا لي عاوزينك في سنتر طبي خاص بعلاج أسنان ومخ وأعصاب وجلدية، تقول كلمتين وتبارك ونصورك وتحطها عندك على صفحتك هندفع لك رقم.
وتابع: قلت لهم أنا مش هاجي عشان لو جيت ونشرت الكلام ده الناس هتيجي، وأنا إيه اللي يعرفني بالدكاترة، وهتعمل إيه في الناس، أفرض الدكاترة مضروبة الناس هتقول عليا إيه، ممكن محل هدوم لكن صحة الناس مش سلعة.
