"فتَمَثَل لها بشرًا سويًا".. صبري عبد المنعم يرد على حرمانية الفن بآية قرآنية
قال الفنان صبري عبد المنعم، إن الفن ليس حرامًا مستشهدًا بآية من القرآن تقول:( فتَمَثَل لها بشرًا سويًا).
وأوضح صبري عبد المنعم في لايف مع القاهرة 24: التمثيل موجود من زمان، وربنا قال: "فتَمَثَل لها بشرًا سويًا"، الفن ماشي مع المجمتع وربنا قال: "قل اعملوا فسيرى الله عملكم ورسوله والمؤمنون".
وأضاف صبري عبد المنعم: الفن من ضمن الأعمال، فسيرى الله عملكم ورسوله والمؤمنون، الناس بتفضل تتفرج على السينما والمسلسلات والإذاعة، اللي مش كويس الفن الرخيص، لكن طول ما بنقدم فن كويس إحنا مقبولين عند الناس.
وفي سياق آخر، تحدث صبري عبد المنعم عن واقعة النصب عليه في مليون جنيه و900 ألفا، قائلًا: فيه فترة مرضي طلبت من صديقي يبيع لي الشقة قلت له: “عايز أسيب الفلوس للعيال دي اللي طلعت بيها من الدنيا”، فقالي هشوف لك مشتري وخد مني العقود كلها، وبعد فترة البنك كلمني قالي إني ضحية عملية نصب في مليون و900 ألف.
وأضاف صبري عبد المنعم: أنا عمري ما خونت حد ولا شكيت في حد، والوسط الفني شاهد على كده، وأنا مبعرفش أستثمر في حاجة خالص، لكن بعد الواقعة هكتب كل حاجة لمراتي وأولادي، أنا مازلت طفل عندي 5 سنين مش عايز أكبر عشان أعرف أعيش.
