مروة عبد المنعم: لم أتأثر نفسيًا بتجسيد دور الكفيفة في عالم تاني.. وكان نفسي يكون عندي حاسة سادسة
تحدثت الفنانة مروة عبد المنعم عن تجسيدها شخصية الكفيفة في مسلسل عالم تاني بالتعاون مع رانيا يوسف، بجانب الحديث عن الكذب والخيانة.
وقالت مروة عبد المنعم خلال حوارها مع القاهرة 24: تجسيدي لـ دور الكفيفة في مسلسل عالم تاني كان صعب ولكن متأثرتش نفسيا بالدور لأنها كفيفة ولكن عندها حاسة سادسة وبتعرف الأحداث قبل ما تحصل وكأنها بتشوف طبيعي، إنما أنا في الحقيقة معنديش أي حاسة سادسة خالص وكان نفسي تكون عندي.
وتطرقت مروة عبد المنعم للحديث عن الخيانة والكذب، قائلة: مش بسامح في الخيانة أبدًا ولا صديق ولا زوج إنما ممكن أسامح في الكذب وأوجد له مبررات حسب لو الكدبة كبيرة ولا صغيرة.
مروة عبد المنعم: وائل الإبراشي ظلمني
وكانت تحدثت الفنانة مروة عبد المنعم عن الإعلامي الراحل وائل الإبراشي، حيث قالت خلال تصريحات خاصة لـ القاهرة 24: وائل الإبراشي ظلمني، جاب أسرة الخادمة وعمل مزيكا حزينة وطلعهم هما اللي مظلومين، وقال إني قاتلة وشوهت الجثة رغم أن مفيش كل ده، ومش مسامحاه وربنا يتولاه برحمته، هو عند ربنا وهو أولى بيه.
وتابعت: لسه الناس بتهاجمني رغم ظهور خبر براءتي، لأن الخبر انتشر بشكل أصغر بكتير من البروباجاندا اللي حصلت على القضية نفسها، فمحدش قرأ خبر البراءة، ولحد دلوقتي في ناس بتعلق عندي وتقول مش دي اللي قتلت الخدامة.
