رانيا يوسف: ما عنديش استعداد أكرر تجربة الجواز لأني عانيت في قصة الطلاق والنفقة
كشفت الفنانة رانيا يوسف، أنها من الصعب خوض تجربة الزواج مرة أخرى، لأنها عانت كثيرا في الثلاث زيجات السابقة، خصوصا في موضوع الطلاق والنفقة.
وقالت رانيا يوسف في لقاء مع إي تي بالعربي: ما عنديش استعداد أكرر الغلطة رابع مرة، أنا واحدة من الستات عانيت في قصة الطلاق والأطفال والنفقة في المحاكم وتحت الوصاية ناقش القصة دي وده الوقت اللي لازم نعمل حاجة فيه ونغير في القوانين الموجودة لصالح الأطفال أولا ومن ثم مصلحة الستات اللي عاوزة تاخد حقها.
كما كشفت رانيا يوسف في الوقت نفسه، أن هناك بعض الصفات في الرجل تكرهها، موضحة: مش بحب الراجل الرغاي لأني مش بتكلم كتير ولو حسيت إنه بخيل وبصباص بعمل له دليت.
زيجات رانيا يوسف
وسبق وتحدثت الفنانة رانيا يوسف، عن زيجاتها، مؤكدة أن زواجها من المنتج محمد مختار كان الأنجح بين الثلاث زيجات، إذ قالت: تجوزت 3 مرات وأول زيجة هي الأنجح بالنسبالي والباقيين مكنوش ناجحين، وعلاقتي بـ أبو بناتي مش كويسة خالص وكنت أتمنى إننا نفضل صحاب، وزيجتي التانية كان قرار غلط ومع الشخص غير مناسب وزيجتي التالتة كانت تحت ضغط ولادي وولاده.
كما أكدت رانيا يوسف أن قرار الطلاق بالنسبة لها كان صعبًا وقصت شعرها حتى تعرف تتخذ هذا القرار، قائلة: قرار طلاقي كان صعب وقصيت شعري عشان أعرف أخده.
كما تحدثت رانيا يوسف عن انتقاد البعض لملابسها قائلة: أنا بحب ألبس اللي يليق عليا سواء قصير أو طويل أو مفتوح أو مقفول على حسب.
