تلميذة المرج في التحقيقات: عيطت والمتهم بيهتك عرضي ومقدرتش أقاومه| خاص
حجزت محكمة جنايات القاهرة، جلسة الحكم على السائق المتهم بـ هتك عرض تلميذة المرج، بعد استدراجها إلى مسكنه الكائن بمنطقة المرج بالقاهرة، والتعدي عليها وهتك عرضها بالقوة، لجلسة 14 يونيو المقبل للنطق بالحكم.
هتك عرض تلميذة المرج
استمعت جهات التحقيق بالقاهرة، لشهادة المجني عليها تلميذة المرج، والتي قالت: هو اللي حصل إن أنا كنت خارجة أجيب طماطم، وأنا نازلة على السلم لقيته واقف عند الباب، وقالي تعالي معايا جوا ولما دخلت جوا قالي ادخلي الأوضة وشاور عليها ودخلتها، وبعديها حسر عني هدومي وعملي حاجات وحشة وبعد كده طلعت من عنده وطلعت البيت ورحت حكيت لماما على اللي حصل، وراحت ماما أخدتني للمستشفى وبعد كده عملناله محضر.
وتابعت تلميذة المرج في التحقيقات: في يوم الواقعة أنا كنت لابسة نفس اللبس ده إسدال لونه أصفر وطرحة وتحته بنطلون أسود قطن، وأنا اتقابلت مع المتهم وأنا نازلة من على السلم هو كان واقف عند الباب وقالي تعالي ادخلي وأنا دخلت، ومش متعودة أدخل بيت حد غريب، وفي الأول أنا قلتله لا، وهو قعد يتحايل عليا وراح ماسكني من إيدي ودخلني.
وأردفت: أنا عارفة المتهم عشان هو جارنا، وهو كان كل لما يشوفني يقولي عاملة إيه كويسة وبس، وهو كان موجود لوحده، والمكان اللي حصل فيه كدة هي الشقة في الدور الرابع، وكان شقته فيها صالون وفيها أوضتين، والأوضة اللي دخلني فيها مش عارفة أفتكر كانت عاملة إزاي.
وأكملت: هو في الأول شدني من إيدي دخلني جوه، وأنا قعدت أقوله لا لا خرجني، لكن هو دخلني وشالني وحاش هدومي، وأنا كنت قاعدة بعيط، بس أنا متعورتش ومكنتش قادرة أعمل حاجة، ودي أول مرة يعمل معايا كده.
وكان المتهم لحظة التحقيق مع تلميذة المرج خارج غرفة التحقيق، فدعاه رجال التحقيق إلى داخلها، وحال دخوله لغرفة التحقيقات شعرت الطفلة المجني عليها بالذعر والخوف، وبسؤالها قررت أنه مرتكب الواقعة: أيوه هو ده اللي عمل معايا الحاجات الوحشة.
