هند عاكف: ميار الببلاوي قالتلي إنها معاها دليل براءة وفاء مكي.. وهشهد بالحق لما يطلبوني

كشفت الفنانة هند عاكف، أن الفنانة ميار الببلاوي حدثتها في وقت سابق حول معرفتها بدليل براءة وفاء مكي، وأنها تريد الإفصاح به حتى ترضي ضميرها. 

وقالت هند عاكف خلال لقائها مع القاهرة 24: أقسم بالله العظيم ميار الببلاوي كلمتني وقالتلي ضميري بيأنبني ومش عارفة أنام، وإنها معاها دليل براءة وفاء مكي وعايزة تعترف، إن البنات جاءت لها بعد ما مشوا من عند وفاء، وكانوا زي القرود ومفيش لا حرق ولا حاجة، بس مشيتهم عشان خافت من المرض اللي عندهم، والمخدماتية قالتلها دول جايين من عند وفاء.

وتابعت عاكف: كلام ميار الببلاوي بيناقض نفسه وكنت مبسوطة إنها اعترفت بالحقيقة، معرفش رجعت في كلامها ليه، وطبعا هشهد بالحق لما يطلبوني، والناس بقت فاهمة ومثقفة وهيعرفوا يفرقوا بين اللي بيكذب واللي بيقول الحقيقة.

تراجع ميار الببلاوي عن تصريحاتها 

وسبق وتراجعت ميار الببلاوي، عن تصريحاتها بشأن براءة وفاء مكي، وكتبت منشورًا، عبر حسابها الشخصي بموقع التواصل الاجتماعي فيس بوك، وقالت فيه: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أو علشان أنا مش بتاجر بالموضوع ولا بجري ورا ترند، وأفضل ألف معاكم على القنوات والمواقع بالشكل المستفز ده.

سبب تراجع ميار الببلاوي عن تصريحاتها

وكشفت ميار الببلاوي سبب تراجعها عن تصريحاتها، في تصريح خاص لـ القاهرة 24، وقالت: ظهر طرف جديد في قصة وفاء مكي، وهو إن حفيدة الست اللي جابتلي الخادمتين قالتلي إن جدتها كذابة، لأن الست قالتلي إنها جيبالي البنتين من عند وفاء، بس الحقيقة طلعت إنها جيباهم من الإجازة مش من عند وفاء، فهما مش محروقين عشان جايين من بيتهم كده كده، وكده مفيش دليل لبراءة وفاء.

وأضافت: وفاء كذابة ومش بريئة ولا مظلومة، وأنا مغيرتش أقوالي عشان ضغط الناس زي ما بيتقال، الفكرة كلها إني كنت فاهمة حاجة وطلعت غلط، وهي فعلا عملت الواقعة وعذبت البنتين.

ظهور طرف جديد.. ميار الببلاوي تكشف سبب تغيير تصريحاتها بشأن براءة وفاء مكي