علي جمعة: المشاحنات والمشاجرات بين الأزواج قلة دين وأدب
قال الدكتور علي جمعة، عضو هيئة كبار العلماء، بالأزهر الشريف، إن المشاحنات والمشاجرات بين الأزواج وكشف أسرار البيوت تعتبر قلة دين وأدب، مشددا على ضرورة الدعاء دائما، يا رب هدى البال واصلح الحال.
وأضاف عضو هيئة كبار العلماء، بالأزهر الشريف، خلال تصريحات تلفزيونية، اليوم الاثنين: الأمور لا تحل بهذه الطرق، وبعدين المرأة فى الحقيقة هي مكون من أمرين صفات خلقية زي الحمل والرضاعة، وصفات تانية بيئية وأخلاقية، الراجل والست اللي قاعدين فى الغابة، بيئتهم وتصرفاتهم تختلف عن الست والراجل المتعلمين.
وتابع: زمان كان الست يعنى أقل حظا فى التعلم من الراجل ومكنش لها إلا بيت زوجها والحكاية بتاعتها وتكون فرحانة إنها تجيب لها 10 أو 15 عيل، يخدموها، ولا تروح وتشتغل ولا احتكت بأي أمر، ومفيش عندها خبرة، شوف فى أدبياتنا القديمة الأميرة ذات الهمة، شوف ومكنتش نصف المجتمع ولا رايحة تتعلم ولا راحت تأخد مناصب.
وفي وقت سابق، قال الدكتور على جمعة، إن الشرع الشريف يحافظ على الولد للفراش وليس لـDNA للحفاظ على استقرار أعراض الناس والأسرة، هذا السر الإلهي، وليس شركة تجارية، وإنما مؤسسة لبناء المجتمع.
وأضاف عضو هيئة كبار العلماء بالأزهر الشريف، لو جلعنا الولد لـdna، هتلاقي زوجين عايشين حياتهم سعداء، ويجي واحد قليل الأدب يقول للزوج يقولك الولد ده ابني، وأنا فعلت كده مع زوجتك، وده ابني، نقوله أخرس، الشرع هنا مع الأسرة، وضد هذا المعتدي.
واستكمل علي جمعة: يجب الحفاظ على الأسرة، فالولد ده للزواج الصحيح أي الفراش، حتى ولو كان من هذا الرجل المعتدي، طيب ليه كده؛ منعا للأوباش، أن يتهموا النساء في أعراضهن، وحتى لو وجد تحليل dna، الأسرة في مكانة عالية، ولا يجوز هدم الأسرة عشان السفهاء دول.
