مدحت العدل: فيه فرق بين الجمهور ومستخدمي السوشيال ميديا.. وفيه ملايين من المصريين ميعرفوش المنصات| فيديو
تحدث السيناريست مدحت العدل عن الجمهور ومستخدمي السوشيال ميديا، وبجانب ذلك حديثه عن النجاح الحقيقي لأي عمل.
وقال مدحت العدل خلال حواره مع القاهرة 24: في فرق بين الجمهور ومستخدمي السوشيال ميديا، والسوشيال ميديا ده جزء، ولكن الملايين في الصعيد بيدخلوا فيس بوك بيتفرجوا على مسلسل عملة نادرة، وملايين من المصريين مش عارفين المنصات الإلكترونية.
وأضاف مدحت: الجمهورالكبير اللي بينجحوكي مش بيشوفوا السوشيال ميديا، لأن العمل النجح يفرض نفسه.
وعلى جانب آخر، أوضح مدحت العدل: الملكية الفكرية مش أغاني بس، الاختراعات ليها ملكية فكرية أنك تعملي لقاح معين في الطب مثلا ده اسمه ملكية فكرية، والملكية الفكرية هي خارج مصر مقدسة، وعندي 170 ألف مصنف غنائي لو عملنا الملكية الفكرية صح بدخل مليارات لمصر بالعملة الصعبة، وعندنا اتفاقيات مع جوجل ويوتيوب وقنوات عشان نعظم الدخل.
آخر أعمال مدحت العدل
شارك مدحت العدل في السباق الرمضاني 2023 بمسلسل عملة نادرة، والعمل ضم عدد كبير من النجوم أبرزهم، نيللي كريم، أحمد عيد، ندى موسى، جمال سليمان، محمد فهيم، كمال أبو ريه، هشام عاشور، وعدد آخر من الفنانين، والمسلسل من إخراج ماندو العدل، وحقق نجاحًا كبيرًا في الماراثون الرمضاني.
