المتهم الثاني في جريمة مقتل مسن وإصابة نجله بالبساتين: الراجل شتمني وعيالوا أتكاتروا عليا طلعت مطوه وضربته في صدره | تحقيقات
شهدت منطقة البساتين التابعة لمحافظة القاهرة واقعة قتل مأساوية، حينما أقدم عامل رخام يدعى محمد أبو الدهب علي 32 سنة، بطعن مسن يدعى حسن عبدالرحمن حسن بسلاح أبيض “مطواه” انهت حياته في الحال، وإصابة نجله بجروح بعد حدوث مشاجرة بينهم.
مقتل مسن وإصابة نجله بالبساتين
وحصل القاهرة 24 على التحقيقات في القضية وجاءت أقوال المتهم الثاني محمد.أ كالتالي: اللي حصل أني كنت معدي من شارع عويس حسن ف منطقة بيرام سلطان وكان معايا واحد صاحبي اسمه عبد الرحمن محمد شحاته واحنا ماشيين لقينا الراجل اللي اسمه الحج حسن قاعد قصاد البيت بتاعه وماسك خرطوم مايه ببرش الشارع بيه، وبعدين سألته علي محل موبايلات فلقيته بيقولي، قال وقاللي شوف بيت الراجل هتلاقيه.
وتابع المتهم الثاني: هزرت معاه مش فاكر بقوله ايه فشتمني وقالي غور من هنا ياض فشتمته فلقيت عيال الراجل طالعه من البيت وبيتخانقو معايه فلفيتهم بيتكتروا عليه مع أبوهم، وانا كان معايه مطواه قرن غزال بمشي بيها عشان انا كنت مخصم ناس فكان لازم اشيل سلاح عشان ادافع عن نفسي بيها، فروحت مطلعها ادافع عن نفسي لقيت الراجل وولادة بيتكاتر عليه.
وأكمل المتهم: روحت ضربت المطواة في صدر الراجل معرفش، جت فين بس لقيت دم بينزل منه كثير وصورت ابنه عشان ضربتي بالشومه ساعتها وبعد كده طلعنا نجري لما لقينا الراجل واقع في الأرض وكنت رايح مستشفي اليوم الواحد علشان اخيط الإصابات التي في راسي لقيت الحكومة راحت وحداني وبيسالوني عن المطواة اللي كانت معايه بين هي وقعت علي، وأنا بجري علشان شوفت الراجل وقع في الأرض وحيث على هنا وهو ده كل اللي حصل.
