فتوح أحمد: تشاءمت من مسلسل ذئاب الجبل رغم نجاحه لوفاة 5 أشخاص أثناء التصوير
كشف الفنان فتوح أحمد سبب تشاؤمه من مسلسل ذئاب الجبل رغم نجاح الكبير، كما تحدث عن تجربته على خشبة المسرح.
وقال الفنان فتوح أحمد، خلال لقائه في برنامج واحد من الناس مع الإعلامي عمرو الليثي، إن سبب تشاؤمه من مسلسل ذئاب الجبل هو وفاة ٥ أشخاص أثناء التصوير، ومنهم عبد الله غيث وصلاح قابيل وولد صغير كان موجودا في المسلسل.
وأضاف فتوح أحمد أن المسلسل من أقوى مسلسلات الصعيد، مشيرا إلى أن من أقرب المسلسلات الصعيدي بالنسبة له هو مسلسل غوايش.
وواصل فتوح أحمد: قدمت العديد من المسرحيات في مسرح الدولة، لكن كنا بنمثل للكراسي فقط وكان الممثلين بيلموا فلوس من بعض علشان يشتروا تذاكر عليها ضريبة يدوها لحد يحضر، وأنا قبل ما أمسك مسرح الدولة كنت بقول ده إهدار لـ المال العام، وجابوني علشان أمسكه وفعلًا الممثلين مش بياخدو حاجة غير الإمتاع الشخصي، وللأسف المسرح من غير جمهور ولا حاجة.
فتوح أحمد يتحدث عن التعاون مع المخرج محمد سامي
وتحدث الفنان فتوح أحمد عن التعاون مع المخرج محمد سامي في مسلسل جعفر العمدة، قائلًا: أما بشتغل مع أي مخرج بروح مرعوب، وأول مرة أشتغل مع محمد سامي، وأما بشوف زمايلي مع محمد سامي بتبهر، وقولت لمي عمر جوزك عصبي وبيتنرفز، ولكنه طلع عكس كده، وكل اللي بيتقال عليه مش مظبوط، وكنا لازم نبقى مركزين، الشباب اللي موجودين في الإخراج دلوقتي مؤدبين جدًا، بس هما بيحبونا وعايزنا ضيوف شرف.
