ما حكم مناداة الأم والأب باسمهما؟.. داعية إسلامية تكشف
قالت الدكتورة نيفين مختار، الداعية الإسلامية، إن الله سبحانه أبلغنا فى كتابه العزيز إنه قرن العبادة له بالإحسان للوالدين، وهو ما جاء فى قوله سبحانه وتعالى: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلًا كَرِيمًا* وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِى صَغِيرًا* رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأوَّابِينَ غَفُورًا.
الإحسان للوالدين
وأوضحت خلال تصريحات تلفزيونية، اليوم الاثنين: شوف ربنا عطف الإحسان للوالدين، بعبادته وحده، وربنا ذكر حالة الكبر بالذات لأنهم فى حالة الاحتياج لأبنائهم، وحذر من قول كلمة أف، أو قول الأم والأب باسمه، وتقول ده أنا كبرت على إنى أقولك يا بابا أو يا ماما.. وتلاقى اللى يقول يوه يا بابا، واللى يقول ما تطلب طلباتك كلها مرة واحدة، أو بعدين لما أخلص اللى فى إيدى، كل دى عقوق والدين، ومنتشر جدا فى المجتمع، وكل ده بسبب سوء تربية وأصدقاء السوء، وتقليد تصرفاتهم من والديهم.
وتابعت: مهما كنت رفيعا ومسئولا لازم تخفض جناح الذل لأمك وأبوك، تقولها تحت أمرك تحت رجلك، شوف كانوا بيعملوا إيه معاك وأنت صغير، وصلنا للزمن الآباء بيخافوا يقولوا حاجة للأبناء لأحسن يزعلوا أو يزعقوا فيهم، أو يقاطعوهم بالشهور والسنين.
