سليمان عيد: أنا في دنيا مفيهاش مثالية.. والمخرجين حصروني في أدوار معينة
تحدث الفنان سليمان عيد، عن الأدوار التي يفضل تقديمها، مشيرًا إلى أن المخرجين حصروه في الكوميديا على الرغم من أنه يحب التراجيدي أيضًا.
وقال سليمان عيد في تصريحات تلفزيونية: أنا في دنيا مفيهاش مثالية، وأكيد مش هلاقي اللي نفسي فيه، لذلك مهم إننا نتألقم مع الموجود والرضا به والاجتهاد فيه، والرضا مهم، فلو جاي لي دور وباصص في دور زميلي مش هعمل دوري كويس ولا هوصل لدور زميلي، فالأفضل أني أعيش مبسوط باللي ربنا كتبه ليا لأنه أداني الدور ده لحكمة في الوقت ده.
حصروني في حتة معينة
وأضاف سليمان عيد أنه تم حصره في منطقة معينة، قائلًا: حصروني في حتة معينة ودي من عيوب المهنة خاصة أن في بدايتي كنت بعمل نوبي وكل ما يدوني دور يقولوا ليا اتكلم نوبي، لحد ما بقتش حابب الحكاية دي وفجأة كانوا بيجيبوني بدور قهوجي وكنت بحبه لأنه دور واحد وبيخلص في أسبوع وماديا بيكون كويس.
وتابع سليمان عيد: لما بعمل كوميديا بكون هتجنن وأعمل تراجيدي لأنه تحدي بالنسبة لي، لأن الناس شافتني كوميديان والغريب أني لما عملت دور تراجيدي في واحد من الناس خدت جائزة أحسن ممثل تاني في دور تراجيدي، على الرغم أن الكوميدي أصعب ولازم يكون في تقدير له أكتر من كده.
وواصل سليمان عيد: نفس أنوع شغلي وعملت ده في مسلسل اسمه رسايل وكان دور إنساني، ومسلسل مع شيرين عادل اسمه بيت فرح كان بيجمع بين الكوميدي والتراجيدي وأنا بشوف أن الشخصيات لحم ودم فيها الكوميدي والتراجيدي، والشخصية لازم يكون فيها كل حاجة.
