رفض السداد.. أول رد من الجمارك على شكوى مواطن من ارتفاع القيمة الجمركية على بضاعته
رد مصدر بجمارك مطار القاهرة، على واقعة ارتفاع قيمة الجمارك وشكوى كمال فتحي محمد مالك مصنع القماش من وصول قيمة الجمارك على 4 كارتلات قماش إلى 25 ألف جنيه: قائلا: الراكب ده تاجر وكان جاي من الصين ولم يقر بما في حوزته، ورفض سداد الضرائب الجمركية.
وأضاف المصدر في تصريح لـ القاهرة 24: تم حجز ما معه وديعة لحين السفر بدون أي غرامات واستلمها صباح اليوم وسافر.
وكان كمال فتحي محمد، مالك مصنع، نشر شكوى بسبب ارتفاع قيمة الجمارك على متعلقاته، خلال عودته من سفره من دولة الصين.
وقال كمال، في منشوره عبر موقع التواصل الاجتماعي فيس بوك: يمكن أول مرة أعمل حاجة زي دي بس اللي حصل معايا ده ظلم، أنا راجع من الصين من حوالي 10 أيام، وجمرك مطار القاهرة صالة الوصول بالمطار الجديد كان معايا 4 شنط وشنطة صغيرة فوق الطيارة عبارة عن: كارتلات قماش زي ما موضح في الصورة، كمية كبيرة شوية عدد 6 بكرات خيط تريكو عينات مواصفات مختلفة على سبيل العينات.
وأضاف كمال: مش رايح الصين أجيب 6 بكرات للبيع والكارتلات الخاصة بهم مع العلم جمرك الكيلو رسمي من أي ميناء لا يتعدى 35 جنيها للكيلو ملابسي الشخصية (قاعد هناك شهر ونص) ملابس العيد لعيالي وست أحذية أطفال أدوات الصيد كيس صغير في عدة صيد سمك عدد 2 لعبة أطفال منهم لعبة باظل لا تتعدى كف الأيد كاتبهم في المحضر معاه لعب أطفال، الأدوية الخاصة بيا، ليرد عليا مسئول الجمرك اتفضل 25000 جنيه.
وأكمل: قلتله معايا 10000 جنيه بحاول أنزل معاه قالي لا إحنا مش بنفاصل، قلتله صل على النبي قالي ما بصليش قلتله براحه شويه وما تزعقش قالي طيب هحجزهالك وخلى وردية الساعة تسعة تطلعهالك، قلتله أعمل اللي أنت عايزه لكن ما تزعقش علشان أنا كمان بعرف أزعق بس أنا صايم قالي أنا بقى مش صايم واسمي جورج وهتشوف هعمل أية علشان تدفع وأنت ساكت.
واختتم: قلتله شوف هتعمل أية لاقيته عملهالي وديعه لحين السفر يعني لازم أسافر تاني بيهم برا مصر وأرجع بيهم تاني، وأدفع تذكره رايح جاي ووزن تاني، قلتله أنت شايف ده صح، ولما قلتله اكتب كل حاجة عدد مارضاش زي عدد 2 لعبة أطفال.
