ماجد المصري: شغلانة الفن بتكلفنا نسيب بيتنا وأولادنا.. وعمري ما قدمت عمل عشان الفلوس
تحدث الفنان ماجد المصري عن صعوبات مهنة الفن وحياته الشخصية، مشيرًا إلى أنه لم يقدم يومًا عملًا من أجل الفلوس فقط.
وأكد ماجد المصري في تصريح لـ القاهرة 24: شغلانة الفن صعبة أوي وبتكلف الواحد كتير وبنسيب بيتنا وأولادنا.. وعمري ما عملت عمل عشان الفلوس، وبيجيلي برامج فيها فلوس كتير وبرفض لأنها هتخسرني جمهوري.
وفي سياق مختلف، أضاف ماجد المصري، أن الفنان لديه مسوؤليات وأقساط مثل أي مواطن، مضيفًا: كلنا عايشين زي بعض، اللي معاه 10 قروش بيقدر ياكل ويشبع وينام وعنده راحة البال والـ 24 قيراط بتوعه، وفيه غيره فنان معاه فلوس وواخد الـ 24 قيراط، وأهم حاجة الرضا، وأنا عندي أقساط وبتخانق على غلاء الأسعار زي أي راجل، وكله بيشتكي وكله تعبان ومستغرب.
وتابع ماجد المصري: الموضوع متعب جدًا ولازم كل فنان يكون له مشروع بجانب الفن، ومشكلتنا إن الأجور بتاعتنا بناخدها على دفعات، وبنصرف الدفعة ونصرف اللي بعتها ومش بناخد فلوس كاملة على بعض وفيه التزمات أنا راجل مسئول عندي مدارس وكل حاجة، وفي الآخر كلنا بنوصل الفلوس لبعض أنا باخد مرتبي وبدي للسواق والبنزينة وبطلع صدقة وزكاة وبنوصل لبعض وهكذا، وعندي حاجة بجانب الفن بس عائدها مش كبير.
أعمال ماجد المصري
وشارك ماجد المصري في مسلسل ضرب نار، هذا العام بموسم رمضان 2023، وشارك في العمل مجموعة من الفنانين أبرزهم: سهير المرشدي، إيمان السيد، بدرية طلبة، هدى الإتربي، دنيا المصري، أحمد صادق، والعمل من إخراج مصطفى فكري، وتأليف ناصر عبد الرحمن، ويعرض يوميًا على شاشة قناة ON.
