مي كساب: لو رامز جلال طلبني في برنامجه هروح بشرط أنه ما يتنمرش عليا ولا يتجاوز حدوده
كشفت الفنانة مي كساب رأيها في برنامج رامز جلال الذي يقدمه كل عام في شهر رمضان، مشيرة إلى أنها تحبه وتحب افيهاته ولكن تلوم عليه في هزاره مع زملائه والتنمر عليهم.
وقالت مي كساب في لقاء تلفزيوني: كلنا معاه بأزدواجية في الرأي، يعني أنا بحب ايفهاته لأنه بيقول حاجات بتقتلني ضحك، وولادي بيحبوه وبيقولوا لي كلميه، لكن بلوم عليه في هزاه الأوفر على زملائه مش بحب أتحط في الموقف ده أني مثلا يقول كلام يضايق ولادي أو يحرجهم حتى لو الفلوس كتير هكون مضايقة.
وأضافت مي كساب: لو طلبني في برنامجه هروح طبعًا ولكن بشروط أنه بلاش بتنمر عليا ويتجاوز خدوده معايا.
مي كساب تتحدث عن يسرا وشيماء سيف
وكشفت مي كساب سبب استغناء يسرا عنها في مسلسلها الجديد ألف حمد لله على السلامة واختارت شيماء سيف لتقدم البطولة معها، رغم أنها تعاونت معها العام الماضي، قائلة: كنت اتفقت على مسلسل جعفر العمدة، وروحت ليهم ضيفة شرف لما طالبوني والكيميا بين يسرا وشيماء قوية جدًا وشيماء سيف من أكتر الممثلين البني آدمين اللي قابلتهم وهي قريبة من قلبي ولما هي مثلت الدور كأني أنا لأنها أختي بجد ونشأت لينا علاقة قوية.
وأضافت: لما كلموني قالوا لي تعالي ضيفة شرف نزلت جري، ويسرا اشتغلت معاها سرايا عابدين وفيلم بوبس، وهي ذكية والذكاء بيخليها قادرة على الاستمرار ومحبوبة وهانم في تعاملاتها ما ينفعش حد ما يحبهاش.
