أبرز تصريحات ميدو عادل: الفن أهم نعمة ربنا خلقها وفخور بالعمل مع السعدني
كشف الفنان ميدو عادل تفاصيل مشاركته في مسلسل سره الباتع، المنافس في دراما رمضان 2023 معربًا عن حبه الكبير لـ العمل مع المخرج خالد يوسف، والفنان أحمد السعدني.
أبرز تصريحات ميدو عادل
أعرب الفنان ميدو عادل عن حبه الكبير لخالد النبوي، وإنه كان يتمنى العمل معه، خلال أحد البرامج، حيث قال: أنا من الناس اللي بتحب خالد النبوي ومكنش فيه نصيب إن أخش معاه في المسلسل الإمام الشافعي، ومن عشاق اللغة العربية.
وتابع ميدو عادل: بشتغل من وأنا عندي 3 سنوات ربنا قرر إني أشتغل فنان، يعني أنا 37 سنة شغال ممثل، وطبيعي أتفرج على كل الأعمال، وده بيساعدني بشكل عام وفي المهنة.
وعن مشاركته في المسلسل الرمضاني 2023 سره الباتع، قال: سره الباتع مسلسل يناقش قضية مصرية عن المقاومة المصرية وروح الشعب، وديه السيرة اللي بنمشى ورا السلطان بتاعنا حامد اللي هو النجم الكبير أحمد السعدني، وفخور إني اتعرفت على أحمد السعدني".
وأردف في حديثه عن التعاون مع الفنان أحمد السعدني، والمخرج خالد يوسف، قائلا: فيه نجوم كبيرة جدًا بس أحمد السعدني هو البطل الدرامي لسره الباتع، بفرح بيه لإنه نجم شاب، والسعدني استغل نجومية بالشكل الفني فقط مش بالشكل التجاري، وديه أزمة كبيرة في الوسط الفني، محمود الجندي كان خلافي معاه بقوله إن الوسط مش زي زمان محدش هيحترم تاريخك، السعدني إداني أمل، إن الخط اللي ماشي عليه مش غلط.
واستكمل: سره الباتع بيحكي عن الناس المصرية البسيطة، أحمد فهمي نجم شباك من الدرجة الأولى، وإنه يسيب كل المسلسلات اللي بتتعرض عليه ويقبل دور مختلف شابوه ليه جدًا، وإحنا مش بنحكي شيء واقعي ديه شخصية خيالية، ومع نهاية المسلسل حامد زي الأبطال المصريين اللي بندور معاهم.
وأوضح ميدو عادل، قائلًا: حاجه تاريخية مختلفة مش كتير هيجيلك نفس الدور، ناجي بيحب الشيخ صابر وحامد بجنون، ومن أهم مميزات سره الباتع النخوة، بعد ما قعدت مع أستاذ خالد قبلت الدور، وهو راجل مخلص، بمثل مسرح من وأنا عيل صغير، كنت قلقان بالعمل، مخرج مثقف جدًا بيحب شغله، طول الوقت بيلون نفسه، وديه حاجه غريبة جدًا، واتبسطت إن لقيته بينتقد نفسه طول الوقت، بنى آدم جاي يشتغل، ولما بيتعصب على حد بيروح يعتذره.
وعن أعماله الفنية العديدة، قال ميدو عادل: سره الباتع مسلسل مهم هيزدني فخر إني في تاريخي إني عملت فيه، ومن 2010 إلى الآن عملت أكتر من 70 عملا منهم، 50 عملا راضي عنهم، وعملت 12 عملا ضيف شرف.
واختتم: بناتي اسمهما حلم وحياة، وأنا اللي اخترت الأسماء، وهما حلمي وحياتي اللي نفسي احققه، وبحاول أربيهم زي ما والدي ووالدتي ربوني، ولازم يتعلموا لعبة جماعية علشان الروح الجماعية، وأتمنى إن هما يطلعوا فنانين، وكل الشغل صعب، أنا مرتبط من صغري بالفن، أنا بتكلم في حاجه لإني مش بخاف غير من ربنا، الفن أهم نعمة ربنا خلقها، ونفسي أموت وأنا واقف على خشبة المسرح.
