رانيا يوسف: لسة ملقتش الراجل اللي يملا دماغي.. وزيجاتي الـ 3 غلطات وأنا مش متعقدة من الزواج
تحدثت الفنانة رانيا يوسف، عن الـ 3 زيجات في حياتها، مؤكدة أنها لم تستفيد من أي من هذه الزيجات مُطلقًا وأن نجوميتها صنعتها بنفسها، كما أنها لا تريد خوض تجربة الزواج مرة أخرى على الرغم من عروض الزواج التي تلاحقها.
وقالت رانيا يوسف، في تصريحات تلفزيونية: جالي السنة اللي فاتت 4 عروض زواج ورفضت لأن الجواز سهل أنا ممكن أتجوز بكرا ولكن المهم عندي مين الشخص اللي هتجوزه، لسة ملقتش الراجل اللي يملى دماغي، أبقى عارفة هو بيحبني قد إيه ومفيش أي مصلحة من جوازه مني، وجوزاتي اللي فاتت كانت 3 غلطات، وأنا مش متعقدة من الجواز مفيش حد يقدر يعقدني دا أنا أعقد بلد، ومفيش حد له فضل عليا خالص من أزواجي.
رانيا يوسف: أنا الفنانة الوحيدة اللي جوزي أنتج لـ طليقته
وأكدت رانيا يوسف، أنها الفنانة الوحيدة التي تزوجت منتجا ولم تستفد منه فنيًا، موضحة: أعتقد إني الممثلة الوحيدة اللي جوزي المنتج محمد مختار أنتج لـ طليقته مدام نادية الجندي، وعمري ما اتدخلت في شغله وأنا مش العقلية اللي تدخل الدنيا في بعض.
وأضافت: أنا اللي كان مهم عندي إني أخلف لأني أم من وأنا عندي 5 سنين، وده كان هدفي الأساسي إني أعمل عيلة، واللي أنا بدور عليه إنه يكون شريكي في الحياة وأول 3 شهور بتشوفي ملاك بجناحات وأنا كمان بكون لطيفة ولكن لما بحس أنه مش السند أو خذلني في حاجة بينزل من نظري ومش بكمل.
