أرملة أحمد راتب: عشنا سنة صعبة وكنت بستلف من ماما علشان ناكل.. وعمل موائد رحمن لمدة 18 سنة
كشفت السيدة فيرا أرملة الفنان أحمد راتب تفاصيل الأزمة المالية التي تعرضا لها في بداية زواجهما، مُشيرة إلى أنها كانت تقترض المال من والدتها لسد احتياجاتهم.
وقالت أرملة أحمد راتب، خلال حوارها مع الإعلامية ياسمين عز في برنامجها كلام الناس: في الفترة الأولى من زواجنا قعدنا حوالي سنة ظروفنا المادية كانت صعبة، وأنا محسستهوش بـ ده خالص وكنت أطلع اتفرج على التليفزيون عند جارتي علشان مكنش عندي تليفزيون، لدرجة إني كنت بروح لماما أستلف منها، وكنت أقول لها إديني جنيه علشان أحاسب التاكسي لأن معايا 10 جنيه مجمدة لأني مكنتش أحب أقولها إن مفيش معايا فلوس.
وتابعت: كنت بركب أتوبيس من الجنيه والباقي تاني يوم ناكل منه، كان جوز الحمام وقتها بجنيه وكنت بروح أجيبه وأعمله، وعمري ما كنت أقول لـ ماما إن مفيش فلوس وهو مجوعني، ودي مواقف خلته يحس إني سند وستر ليه، لغاية ما ربنا كرمنا، وكان بيعمل موائد رحمن لمدة 18 سنة.
أرملة أحمد راتب: سر استمرار زواجنا 38 عاما هو الصداقة
أما عن سر استمرار زواجهما لمدة 38 عامًا، فقالت: أهم حاجة الصداقة ونبقى متفاهمين ونحكي لبعض كل حاجة دي أهم حاجة والقرب في الأفكار، ومحاولة إن اهتمامتننا تكون واحدة، وزميلاته إخواتي والوسط متفاهمين وقريبين من بعض والمعجبات يعتبر إنهم نوع من شغله عمره ما اداني إحساس إني أغير.
