قبل رمضان بـ أيام.. رضوى الشربيني باكيةً: اتكلمي مع ربنا عن إيذاء الناس ليكي وحاولي تسامحي
دخلت الإعلامية رضوى الشربيني، في حالة من الانهيار بسبب تأثرها بحديث الداعية الإسلامية نيفين مختار، التي استضافتها في آخر حلقات الموسم السابع من برنامجها هي وبس، المذاع عبر قناة سي بي سي سفرة.
وطالبت رضوى الشربيني من متابعات البرنامج، بالمواظبة على الدعاء دائمًا وفي كل وقت، خصوصًا مع اقتراب شهر رمضان، وقالت رضوى باكيةً: اتكلمي مع ربنا وادعي له باللي أنتي عايزاه في الدنيا والآخرة، اتكلمي معاه عن الناس اللي سابتك وسابت حياتك وتوفاها الله، وأد إيه هما وحشينك، وهو هيصبرك ويربط على قلبك، كلميه عن أذية الناس ليكي، قوليله يا رب يرضيك عبدك يؤذيني كدة.
وتابعت رضوى حديثها غير متوقفة عن البكاء: حاولي تسامحي وتعدي واعرفي إن الدنيا لا هي سودا أوي ولا بيضا أوي، ومش هتفضلي حزينة طول الوقت أو مبسوطة طول الوقت، أو فاشلة أو ناجحة، المهم إنك تفتكري دايما أن يقيني بالله يقيني.
كما وجهت نصيحة للسيدات والفتيات، مطالبة بعدم التوقف عن العمل أبدًا، وقالت: أنا بشتغل طول الوقت لأن العمل عبادة، وعندي يقين تام إنه لو اتقفل باب فيه أبواب تانية بتتفتح، وشهر رمضان جاي، ادعي ليه يارب افتحلي باب وعشرة وعشرين، وأنا ربنا رضاني في رمضان واستجاب لي، وأنتم ليكم فضل كبير عليا.
رضوى الشربيني تكشف سبب مهاجمتها للرجال الخائنين
على جانب آخر، علقت رضوى الشربيني على سؤال أحد متابعيها عن سبب مهاجمتها الدائمة للرجال الخائنين، وقالت: كلنا عارفين إن الرجالة بتخون، يا إما فيه راجل فرفوش بيحب الستات، يا إما مبدأه التعدد، ولكن إنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي ضغط.
