ياسر جلال: الفن مش حرام إنما رسالة قوية.. وبلاش تجريح ودبح في الفنانين
أعرب الفنان ياسر جلال، عن استيائه من الهجوم الحاد الذي يتعرض له بعض الفنانين، كما كشف عن رأيه في تحريم البعض للفن.
وقال ياسر جلال خلال لقائه في برنامج مساء DMC، إنه فخور بانتمائه للوسط الفني، معلقًا: أحنا على عكس ما الناس بتشوفنا وممكن زميل يتفهم غلط في مكان أو مناسبة وشغلنا متعب جدًا ومش بنقصد نعمل حاجة غلط.
وأضاف ياسر جلال: زمايلي بيتعرضوا لهجوم شديد، وبستغرب هل الجمهور نسي تاريخ الفنان في لحظة؟ ولو الفنان تعثر بلاش تدبحه وأقف في ضهره وبلاش انتقاد بـ تجريح وتموت الفنان ليه؟ فين التسامح والحب؟ الفنان لازم يكون مقدر أكتر من كدا الفنانين بيسعدونا، والفن شيء عظيم ومش حرام دا رسالة قوية جدا.
ياسر جلال يكشف تفاصيل مسلسله علاقة مشروعة
كما تطرق ياسر جلال للحديث عن مسلسله الجديد علاقة مشروعة، والمقرر عرضه في الموسم الرمضاني المقبل 2023، قائلا: مسلسل علاقة مشروعة ممتع ومشوق وبيناقش رسالة مهمة وقابلت شخصيات في الحقيقة زي الشخصيات في المسلسل، والفن من غير جمهور قيمته بتقل، ولازم الناس تشوف نفسها في اللي بتقدمه.
وواصل ياسر جلال: مي عمر فتنتني وكنا زملاء في الجامعة وهي صديقة عزيزة وأختي، ومي عندها كاريزما وبتلاقي نفسها في الشغل بتاعي وبتظهر موهبتها، وعملت كوميدي وكانت عظيمة وهي في أعمالي لها مساحة تمثيل كبيرة ودورها هيكون مفاجأة في مسلسل علاقة مشروعة ودورها جديد والناس هتتخض، وأنا مخضوض منها وأنا بشتغل معاها، وتعبنا جدًا في المسلسل.
