نفسي أتعالج بره.. استغاثة من البلوجر سارة محمد بعد فقدانها البصر
ظهرت البلوجر سارة محمد، بعد فقدانها البصر بشكل تام، مع البلوجر شاهي موسى على تيك توك، لتطمئن الجمهور على حالتها الصحية، وتطالب بسرعة سفرها للخارج من أجل علاجها.
البلوجر سارة محمد
وقالت البلوجر سارة محمد: أنا الحمد لله أحسن، فيما أوضحت البلوجر شاهي موسى: عندنا أمل في ربنا حد ياخد الحالة ويسفرها بره..عايزين دكتور يتواصل معانا ضروري يا جماعة أرجوكم بيقولوا أحسن طب في إسبانيا.
وتابعت شاهي موسى: عرفنا إن فيه حالات كانت زي سارة واتعالجوا وبقوا يشوفوا كويس..أرجوكم اللي يعرف دكتور كويس يوصلنا بيه وميتأخرش علينا.. إحنا راضين بحكمة ربنا وباللي كتبهولنا.. الحمد لله بس لسه هيكون عندنا أمل في أي حد يقدر يعملنا اللازم وشكرا لكل الناس اللي دعت لها.
وفي وقت سابق، أعلنت صفحة البلوجر سارة محمد، على إنستجرام، عن فقدانها البصر بشكل نهائي، وذلك بعد أيام من تعرضها لحادث إطلاق رصاص عليها.
وكتبت صفحة البلوجر سارة محمد، عبر حسابها بموقع التواصل انستجرام: سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه.
أما البلوجر عمر سنايبر صديق سارة، كتب هو الآخر عبر ستوري صفحته الرسمية بموقع فيسبوك: لا حول ولا قوة إلا بالله.. اللهم إني لا أسألك رد القضاء ولكني أسألك اللطف فيه، ربنا يصبرك يا سارة يا رب.. اللهم لا اعتراض.. سارة فقدت بصرها تمامًا.
