على طريقة فيلم أسرار البنات.. فتاة الصف تلد في الحمام
كشفت التحقيقات في قضية هتك عرض فتاة الصف البالغة من العمر 17 عاما، على يد شاب وحملها منه بمنطقة الصف التابعة لمحافظة الجيزة، تفاصيل الواقعة من أقوال المجني عليها أمام جهات التحقيق.
على طريقة فيلم أسرار البنات.. فتاة الصف تلد في الحمام
وينشر القاهرة 24 التحقيقات في واقعة هتك عرض فتاة وحملها بمنطقة الصف، حيث جاءت أقوال المجني عليها أمام جهات التحقيق كالآتي:
اللي حصل إني علي علاقه غير شرعية مع مصطفى وبنحب بعض من خمس سنين، وكان بيتقدملى وأهلي بيرفضوه اتفقنا أنا وهو أننا نقيم علاقة غير شرعية من حوالي تسع شهور، والنهارده كان عندى ألم ومكنتش أعرف إنه ألم ولادة، ولما روحت المستشفى عرفت أنه ألم ولاده وبعد كده لقيت في عيل بينزل، وجابونى على المركز وسألوني قولتلهم على اللي حصل بعتوا يجيبوا مصطفى ا، وسألوه وقالهم ايوه أنا أبو الولد وده كل اللي حصل.
سـ: متى وأين وحدث ذلك؟
جـ: أنا على علاقه غير شرعية مع مصطفى وبنحب بعض من خمس سنين وكان بيتقدملى وأهلي بيرفضوه، فاتفقت أنا وهو أننا نقيم علاقة غير شرعية من حوالي تسع شهور.
سـ: وهل من ثمة علاقه أو خلافات فيما بينك وبينه؟
جـ: إحنا بنحب بعض وأقمنا علاقة مع بعض بس مفيش خلافات.
سـ: ومتى تحديدا قام المشكو في حقه م. ا. ج، بمعاشرتك معاشرة الأزواج؟
جـ: من حوالي تسع شهور.
سـ: وأین تحديدا قام بمعاشرتك؟
جـ: في بيت أبويا.
سـ: وكيف حدث ذلك تحديدا؟
جـ: أنا عايشة في البيت مع إخواتي الصغيرين أطفال وأبويا بيروح الشغل، وكنا بنتفق أنا ومصطفى لما ميكنش في حد في البيت وكان بيجیلی عشان نعمل علاقة غير شرعية ونعاشر بعض معاشرة الأزواج.
سـ: وما هي الأفعال التي أتاها بك المشكو في حقه سالف الذكر؟
جـ: أقام معايا علاقة وعاشرني معاشرة الأزواج.
سـ: كم عدد المرات التي قام بها سالف الذكر بمعاشرتك معاشرة الأزواج؟
جـ،: أقام معايا علاقة غير شرعية 3 مرات وفى الثلاث اقمنا علاقة كاملة وكان بيعشرني معاشرة الأزواج.
سـ: وهل كان ذلك الفعل كرها عنكي؟
جـ: لا هو بمزاجي.
سـ: وما سبب إتيانك والمشكو في حقه لتلك الأفعال؟
جـ: عشان أنا بحبه وهو بيحبنى وأهلي كانوا رافضين أننا نتجوز بعض، فاتفقنا أن أحنا نعمل کده عشان نحطهم قدام الأمر الواقع.
سـ: وهل من ثمة اتفاق مسبق فيما بينك وبين المشكو في حقه على حملك؟
جـ: لا كنا متفقين بس انه نعمل علاقة غير شرعية ونعاشر بعض معاشرة الأزواج والحمل حصل غصب عننا.
سـ: وما هو سبب قيام أهليتك برفض تلك الزيجة؟
جـ: عشان هو من الفلاحين واحنا من العرب وعندنا البنت مش بتتجوز غير من العرب اللي زيها.
سـ: وما هو سبب قيام أهليتك بقبول تلك الزيجة؟
جـ: عشان هو بعت ناس كبيره من البلد وضغطوا على أهلي فأبويا وافق.
سـ: وهل اخبرني المشكو في حقه بأنك حامل؟
جـ: أيوه
سـ: وما الذي حدث عقب ذلك؟
جـ: هو لما عرف أن أنا حامل قالي هنعمل ايه في المصيبة دي واتفقنا إن لما ييجي معاد الولادة أروح المستشفى وأولد.
سـ: وهل من ثمة مظاهر الحمل لاحظها أي من أهليتك؟
جـ: لا
سـ: وما هو سبب توجهك اليوم إلى مستشفى الصف؟
جـ: النهارده لما صحيت من النوم حسيت بألم في بطني فقولت لمرات أبويا أنا عندي ألم جامد وتعالي نروح المستشفى عشان اكشف، ولما روحت المستشفى حسيت أن في حاجه بتنزل مني فسبتها ودخلت الحمام.
سـ: وما الذى حدث حال وصولك الى مستشفى الصف تحديدا؟
جـ: أول ما وصلت للمستشفى حسيت إن في حاجه بتنزل مني فقولت لمرات أبويا أنا هدخل الحمام وبعد ما دخلت الحمام وبرفع اللبس لقيت راس العيل بدأت تنزل، فبدأت أكتم صوتي وأحذق في نفسي عشان العيل ينزل، وفعلا لقيت العيل نزل قدامى وقطعت الحبل السرى بایدی.
سـ : وما هي كيفية قيامك بقطع الحبل السري للطفل؟
جـ: أنا قطعته بإیدي.
سـ: وما هي حالتك الصحية تحديدا آنذاك؟
جـ: هو أنا بعد الولادة لقيت في دم كتير بينزل روحت مصرخة، فالناس بدأت تخبط عليا في الحمام لما سمعوا صويتي، فحطيت الطفل في جردل كان في الحمام عشان ميغرقش من الدم وعشان الناس اللي بدأت تدخل عليا.
سـ: أين والدتك؟
جـ: أمي متوفية من اربع سنين عند ربنا.
سـ: وما قصدك الآن؟
جـ: قصدي إني اتجوز مصطفى ا، على سنة الله ورسوله.
