الرئيس السيسي: مفيش إرهاب بيهد بلد على قلب رجل واحد
وجه الرئيس عبدالفتاح السيسي، رئيس الجمهورية، رسالة للشعب المصري في كلمته منذ قليل بفعاليات التثقيفية الـ37 للقوات المسلحة.
وقال الرئيس عبدالفتاح السيسي، إن الإرهاب لم يتمكن من هدم بلد إذا كانت على قلب رجل واحد، مردفًا: مهم قوى مش رسالة للمصريين الطيبين بس.. حتى الأشرار.. لما حصل الكلام من سنين كنا بنقول إن الكلام ده هينتهى ومفيش إرهاب بيهد بلد، لو كانت البلد على قلب رجل واحد، فيه مقدرات وتكلفة غير الأرواح بتتقدم من البلد، لكن أكيد اليوم هييجي وفيه النهاية اللي إحنا كنا بنشوفه قبل عشر سنين، خلوني أكلمكم كشاهد عيان وهقول لكم علشان تعرفوا إن مفيش حاجة بتتعمل وليدة اللحظة.. ده فكر وخطة وترتيب وإجراءات بتتعمل علشان فى النهاية ندخل في اللي إحنا دخلنا فيه العشر سنين اللى فاتت.
وأضاف رئيس الجمهورية، إنه كانت هناك مساع لتخريب تواجد الدولة في شمال سيناء عام 2011، ولكن تمكنت الدولة من إنجاز هدف القضاء على الإرهاب في شمال سيناء بنجاح، منوهًا بأنه: يجب أن نظل جميعا على درجة عالية من الوعي بكل ما تواجهه الدولة من مخاطر.
جدير بالذكر، أن الندوة التثقيفية الـ37 للقوات المسلحة بمناسبة الاحتفال بيوم الشهيد، تقام اليوم الخميس، في مركز المنارة للمؤتمرات الدولية، بحضور عدد من رجال القوات المسلحة وأهالي الشهداء.
ومن المقرر أن تشهد الاحتفالية تكريم عدد من أهالي الشهداء الذين أفنوا حياتهم فداءً للوطن.
