مصطفى يونس: أنا معجون بالأهلي وتربية صالح سليم.. والخطيب أسطورة وهذا وعدي له
أبدى مصطفى يونس نجم الأهلي الأسبق، حزنه من الانتقادات التي توجه له، وتتهمه بكره النادي الأهلي ورئيسه محمود الخطيب، خلال الفترات الماضية.
وقال مصطفى يونس خلال تصريحات تلفزيونية: محمود الخطيب أسطورة في كرة القدم، ودي حقيقة يعلمها الجميع، واللي مشافش الخطيب بيلعب كورة مشافش كورة، احنا مختلفين في الإدارة بس.
وأضاف نجم الأهلي الأسبق: خبر اقتراب الأهلي من بناء الاستاد أسعد يوم في حياتي، ولو الخطيب عمل الاستاد ده فكفاية عليه، وقولت للخطيب بعد نجاحه في الانتخابات خلال الولاية الأولى، وعد مني هنعمل حملة يبقى اسمه ستاد الخطيب.
أنا تربية صالح سليم
وأوضح يونس: “لعبت 15 سنة في النادي الأهلي، وأكثر لاعب لعب مباريات والأقل غيابًا عن المباريات خلال الـ 15 سنة، أنا معجون بالنادي الأهلي، وتربية صالح سليم، وحبي للنادي الأهلي نابع من صالح سليم.. هو اللي علمني حب الأهلي وعشقه، وجزئية إننا نتعزم في احتفالية أو تجمع، أو منتعزمش دي بتاعهم هما، بالتأكيد كنت أتمنى أكون موجود في تلك المناسبة”.
وشدد مصطفى يونس نجم الأهلي الأسبق في نهاية حديثه: بموت عشان الأهلي، وأنا لما انتقد أحسن ما أسقف، أنا اتربيت على الصح صح والغلط غلط، والأهلي الحاجة الوحيدة اللي بتسعدني، النادي الأهلي في دمي مش مجرد نادي بشجعه.
