عفاف رشاد: أشرف زكي مش بينام وخدم نقابة المهن التمثيلية كتير.. وعايزين كل الناس تشتغل
تحدثت الفنانة عفاف رشاد عن مشاركتها في انتخابات نقابة المهن التمثيلية، والتي تُقام حاليًا في نادي النقابة بالبحر الأعظم، مؤكدة أن أشرف زكي حقق إنجازات كثيرة بالنقابة.
وقالت عفاف رشاد خلال لقائها مع القاهرة 24: كلنا عايزين نخدم بعض، واللي نجح في الانتخابات بيخدم واللي منجحش بيعمل كدا بردو، والنقابة أبوابها مفتوحة للجميع وبتحب أعضائها ومش بتسيب حد وكل فترة فيه جديد وبتشرف أن نقابتي عاملة كل الإنجازات دي، وعملنا إسكان ودار مسنين ولسه مازلنا بنعمل.
عفاف رشاد: أشرف زكي مش بينام وخدم النقابة كتير
وواصلت عفاف رشاد: عايزين كل الناس تشتغل، والمشكلة إن الفنانين كان عددهم قليلين زمان ودلوقتي بقينا كتير والشغل رزق من عند ربنا ولازم الفنان يكون عنده رضا ومش قاعد في بيته وخلاص، لأ لازم يسعى ويقابل الناس ولازم الناس يجي النقابة؛ لأن من كتر القاعدة ممكن يتنسوا ولازم يكون فيه تواجد باستمرار ونقابتنا مش بتسيب حد أشرف زكي راجل مجتهد وعملنا كتير جدا ومش بينام وخدم كتير على مدار سنين والفن في دمه والنقابة واتولدت على إيده وصعب يسيبها بسهولة.
كما تطرقت عفاف رشاد للحديث عن مشاركتها في الموسم الرمضاني المقبل، قائلة: بشارك في رمضان بمسلسل تحت الوصاية مع منى زكي، ومسلسل المداح الموسم الثالث، والحمدلله جميع مواسم المداح نجحت ولكن كفاية كدا، مينفعش نقدم موسم 4 و5، وعندي فيلم في السينما بواصل تصويره حاليًا.
