الآلاف من شباب الأقصر يقعون ضحية هوج بول وفتاة تخسر 14 ألف جنيه

أستيقظ الآلاف من شباب الأقصر على كارثة بعدما خسروا أموالهم وتبخرت أحلامهم في الثراء وكسب الأموال بصورة سهلة وسريعة بعد خبر إغلاق منصة هوج بول بعد الاستيلاء على 6 مليارات جنيه من أموال  المصريين.

سيارات متنقلة لتقديم الخدمات الحكومية بمراكز الأقصر

خسرت 14 ألف جنيه

وقالت أمينة محسوب إسماعيل 19 سنة من العوامية بمدينة الأقصر  في حديث لـ القاهرة 24: أصبت بصدمة شديدة عندما علمت بالخبر فقد كنت إحدى ضحايا تلك المنصة وخسرت 14 ألف و600 جنية.

البداية شركة استثمار

وتضيف بنت الأقصر قائلة: كانوا مفهمين المغفلين اللي زينا إنها شركة استثمار بمعنى ترمي أسهم في الابلكيشن وتاخد أضعاف أضعاف اضعافها والموضوع بدأ في أكتوبر الماضي.

لعبة الصناديق

وتواصل بنت الأقصر: نزلوا في الشركة حاجة اسمها الصندوق كان 4 آلاف جنيه بعائد  20 ألف في 5 أيام بس متخيل حضرتك!! وكانو منزلين صندوق بـ8 آلاف جنية بعائد بعد 5 أيام كذلك  50 ألف !! والمشكلة ان الناس كلها اشترت الصندوق والمشكلة الأكبر إن الناس مستلفه الفلوس دي.

وقالت بنت الأقصر حوار الصناديق دي نزل يوم 26 فبراير يعني قبل  قفل التطبيق  بأيام قليلة وكمان  قفلوا  ارقامهم اللي كانوا بيتواصلو معانا بيها.

وأضافت بنت الأقصر قائلة: في التطبيق موجود آلات بتبدأ ب 200 جنية لحد 20 ألف جنيه وكل آله وليها العائد بتاعها، يعني مثلًا الآلة اللي بـ4 آلاف جنيه بعائد 24 ألف خلال 150 يوما، وغيرها من آلات كتير بنفس النمط.

القانون لا يحمي المغفلين

وقالت بنت الأقصر:  أغلب من أعرفهم من المشاركين في هذا التطبيق من جزيرة العوامية بمدينة الأقصر وعددهم تجاوز الـ1000 في جزيرة العوامية فقط ويزيد في باقي محافظة الأقصر وتوجة العديد منهم لمباحث الانترنت بمدينة طيبة لتحرير محاضر بس عمومًا القانون لا يحمي المغفلين وليس بيدي شىء أعمله غير أن أسلم أمرى لله.