غادة رجب عن أغنيتها كل الحب ده: متسجلة من 2018.. واتفاجئت برد فعل الجمهور
أعربت الفنانة غادة رجب، عن سعادتها بالنجاح الذي حققته من خلال أغنية كل الحب ده، التي طرحتها مؤخرًا تزامنًا مع عيد الحب الماضي، وذلك بعد غياب طويل عن الساحة الفنية.
وقالت غادة رجب، خلال لقائها ببرنامج The Insider بالعربي، إنها سعيدة بردود فعل الجمهور حول أغنية كل الحب ده، إذ أوضحت: أنا متفاجئة بردود أفعال الجمهور على الأغنية وحسيت أن الناس فرحانة إني نزلت حاجة جديدة.
وتابعت غادة رجب: أغنية كل الحب ده، متسجلة من 2018، ولكن كل حاجة بتكون ليها وقتها ودا كان وقتها المناسب.
أغنية كل الحب ده
وكانت غادة رجب، طرحت أغنية كل الحب ده مؤخرًا، تزامنا مع عيد الحب الذي وافق اليوم 14 فبراير الماضي، بعد فترة غياب عن الساحة الفنية.
وتعد أغنية كل الحب ده، من كلمات وألحان أمير طعيمة، وتوزيع محمد عاطف، وميكس ماستر محمد إسماعيل.
كلمات أغنية كل الحب ده
وتقول كلمات أغنية كل الحب ده، كما يلي: معقولة كل الحب ده، هو أنا بحلم ولا إيه، مقدرش أنا على كل دا، دا كتير عليا اللى إحنا فيه، معقول بقيت ليا أنا، شكلي حبيبي في يوم دعيت، مفتوحلي فيه باب السما، خليك هنا على طول ياريت، حبيبي جنبي وبلمسة، مبقاش خلاص عني بعيد، كل أما حلم نخلصة، نرجع ونحلم من جديد، هنعيش سوا وأنا بوعدك، وأنا عارفه أن الوعد دين، هتعب علشان بس اسعدك، متخافش أبدًا من السنين.
