انتصار: نفسي أشوف فيلم فيه مايوه.. ومش بفهم مصطلح السينما النظيفة
تحدثت الفنانة انتصار عن حياتها الشخصية وتربية أولادها، وبجانب ذلك حديثها عن أصعب الأدوار التي قدمتها في مسيرتها الفنية، والممثلين التي تتمنى أن تقف أمامهم.
أبرز تصريحات انتصار التليفزيونية
ـ الممثل الصح الشاطر اللي عنده خبرات كتيرة.. يؤدي كل الأدوار والأنماط.
ـ الممثل الشاطر يبقى في المسرح والسينما وتقديم البرامج.
ـ مش ببص غير أمامي ومعنديش وقت أبص غير لشغلي.
ـ فيه فنانات اتجوزوا وفنانات اقتحموا مجالات أخرى.
ـ لا أشعر بالظلم وواخدة حظي في السينما.
ـ نفسي أروح أشتغل في أمريكا مش الشرق الأوسط.
ـ بحب آل باتشينو وروبرت دي نيرو وليوناردو دي كابريو.
ـ كنت بروح البيت تعبانة ومنهكة وعصبية بسبب دوري في ذات.
ـ كنت بحط مكياج 3 ساعات على وشي عشان وشي يكرمش.
ـ بيكون حمل تقيل عليا إني أقعد عايشة في شخصية عندها 80 سنة طول النهار.
ـ دوري في فيلم واحد صفر تعبني جدًا.. وأكتر دور كوميدي كنت مبسوطة بيه هو فيلم أهواك.
ـ غادة عادل كوميديانة مستخبية.
ـ جمالي الطبيعي يجعلني لا أحتاج الظهور بالمكياج في التمثيل.
ـ أنا أمورة في الحقيقة وجمالي طبيعي فمش بيفرق معايا أطلع على الشاشة بدون مكياج.
ـ نفسي أشوف فيلم فيه مايوه حاليًا بالسينما.. ومبفهمش مصطلح السينما النظيفة.
ـ مبفهمش مصطلح السينما النظيفة، وهي جملة ملهاش ترجمة في القاموس.
